كروسانه
21-09-2022 - 04:38 am
السلام انا حابه استفسر عن القمم في سويسرا لاني الان ارتب الجدول لكل يوم ومحتاره
قرأت عن قمم كثيره
فيرست
وRIGI
Titlisو
Jungfrauىفي انترلاكن
مونت بلانك في شماونية
وغيرها من القمم
بس لاحظت ان اكثر شي الكلام عن Jungfrauفي انترلاكن ممكن اعرف وش تتميز فيه غير انها اعلى قمة في اوروبا
؟؟؟؟؟؟لاني مستكثره السعر عليها مو مشكله عندي لو تستاهل بس اخاف ان السعر بس عشانها اعلى قمة وبس
وانا اهم شي عني اشوف الثلج مايهمني وين المهم اشوفه وبعدين معانا
طفله مادري كيف راح يكون المشوار عليها والبرد لو لبستها تمام
وايش ترجحون لي اي قمه من القمم علما باننا بنروح بالسياره وبنسكن جنيف وانترلاكن
مو مشكله عندي لو قمه ريقي حلوة نروح الى لوسيرن يوم ونرجع وبالمره نشوف لوسيرن ونروح نشوف معالمها
او مثلا قمت تتلس في قريةEngelberg لان حتى هي شفت الطريق اليها انترلاكن بقوقل ايرث مره عجبني ؟؟؟؟؟؟؟؟؟
بعدين باخذر رايكم وش رايكم في البلو سي مادري ليه ماعجبتني صورها صح لونها غريب بس احسها مستنقع مو بحيره اتقرفت من شكل
المويه حقتها مادري هو شكلها على الطبيعه كذا احس فيها وصاخه مادري هو مع التصوير ولا انا اشوف من زوايه غير
عن الناس
بعدين نفس المكان اللي هي فيه مو مهتمين فيه
يعني هل تستحق العنوه لاني مره احذفها ومره ارجعها لمن اقرا آراء الاعضاء؟؟؟؟؟؟؟؟؟؟؟؟
واوشين سي احس المكان اللي هي فيه مو اخضر وبعدين مشوار مشي هل تستاهل العنوه ولااخلي بيومها شي
ثاني ؟؟؟؟؟؟؟
خصوصا ان معانا طفله عمرها سنتين ونص يعني ماتقدر تمشي كثير
الفنادق اللي بنسكن فيها
كربس في انترلاكن و
كورنافين في جنيف هل فيها مواقف ؟؟؟؟؟؟؟ بعدين ايش هو الموقف الي طبيعي انا نوقف فيه ؟؟؟؟ يعني الاحظ المواقف ماهي مجانيه ولو فيه شي مجاني لساعات معينه بس يعني وين نحط السياره فوق روسنا
وبالاخير الاعضاء بيدخلون وبيمدحون ويصرون انك تروحين للمكان اللي هم اعجبهم
واللي يعجب الناس ممكن مايعجبك
خليني احكيلك عني
انا مابعد رحت اوكي بس الان ارتب رحلتي وقريب ان شاءالله اروح
وشلت الاوشن سي والبلو سي من مخططاتي
اول شي البلوسي مثل ماقلتي كأنها مستنقع وماشدتني ابدا من الصور
ثانيا ماحب اروح مكان وعارفه بيكون عليه زحمة وسياح
لاني مشتهيه بحيرة هادية واجلس عليها ببساطي واخذ راحتي على الاخر
وسويسرا مليانه بحيرات وقرى صغيرة ومابيكون عليها هاك الاقبال مثل هالبحيرتين
والنتيجة وحده الجمال بنحصله .. لكن بالنسبة لي نقطة الهدوء تهمني وهي اللي مابنحصلها بمثل هالبحيرات ..
طبعا انا اقول هالكلام لاني معانا سيارتنا ولو احنا جايين وبنركب باصات سياحية وكيذا لا اكيد بختار هالبحيرتين .
النقطة الثانية وهي القمة
انا للان ما استبعدتها بشكل رسمي .. لاني للان ماتأكدت اذا باخذ بطاقة سويس هاف او لا
اذا باخذها بروح القمة ( واذا باخذها باقي اشوف اذا انا بأستفيد منها او لا وللحين ماشفت كثير اماكن بتفيد باستخدامها )
فأحتمال كبير اكنسلها والقمم الثانية توصلك نفس النتيجة وهي الثلج .. وهو المطلوب
وقرات تقرير للمزيد ( متابعة جيدة للتقارير ) ذكر انه برحلته الاخير ماراح لقمة جنقفرو لانه سبق وانه زارها بس باقي عائلته مازاروها .. والسبب الثاني انها غالية .. واختار قمة تتلس افضل سعر واقرب لسكنه وذكر ان النتجية وحده وهي وجود الثلج
وموفقة اسفه طولت بالكلام