أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
تامرين أمر طال عمرج وعسا ماتأخرنا في الرد ..
الأفضل انج تدفعين في السفريات لعدة أسباب أهمها انج ماتتفاجئين بالواقع لأن بعض المواقع مشبوهه وفيها نصب نفس ماصار مع أخوي للأسف ..
ونفس الوقت تدفعين في السفريات كل الي عليج واتكونين عارفه الي لج والي عليج ..
وسفريات ريجنسي ثقه وبعد عندج توريست ثقه ولكن الحلو في ريجنسي انهم فاتحين 24 ساعه وعندهم كل شي ..
وإذا بتروحين ريجنسي بانصحج اتروحين حق موظفين معينين لأنهم خبره ويقدرون ايجيبون أفضل الأسعار وأرخصها ..
حطيتوا العين على فندق ولا بعدكم !!
هلا والله و شكرا على سرعة الرد هذا العشم فيك ياولد بلادي اوكي بتصل في ريجنسي بكرة الصباح ان شاء الله وبشوف بكم؟؟ احنا نفكر في منطقة اكسفورد مثل فندق سلفرج او سيشل ماربيل ارج ماعرف والله بس احتاج مساعدة منك أخوي
افا عليج يابنت ديرتي ..
احنا والمنتدى كلنا تحت أمرج ..
تامرين أمر ..
بالنسبه لريجنسي حاولي اتكلمين محمد عبيده او محمد فؤاد ..الصراحه هم الي ايبردون القلب ..:x1:
ثيستل العام سكنته..اغرفه حلوه وأوساع ..والسليفرج مقابل الثيستل على طول ..أقل من 3 أمتار ..
شوفي الي ينقصج واحنا تحت أمرج بأي شي تامرين فيه ..
صباح الخيرات والليرات ..
كم ليله بتقعدين وانا راح اشوف لج الحجوزات وأبلغج على طول ..
الدخول 21/6 لكن متى الخروج !!
عطيني الخروج وأنسي الموضوع ..
وهل السعر يفرق معاج واجد ولا يعني !!
ام توتو
حلو يابنت ديرتي ..
انا الحين طالع السدبروح أشرب كرك وبمر على سفريات ريجنسي وبستفسر عن الحجوزات ..
اليوم طبعاً بياخذون التواريخ واسماء الفنادق وبكرا بيكون الرد لأنهم لازم ايسوون ريكويست أو لازم يبعثون فاكس للفندق عشان يتأكدون إذا كان فيه مكان أو لا ولكن اتوقع ايكون متوفر لأن أغلب الضغط يبتدي من نص 7 لين أخر 8 ..
تابعينا وفالج المليون قصدي فالج طيب
لاأتشيلين هم ولاأتضيقين نفسج وخلج متفائله
كرك النعيمي يالله بالعافية انتظر منك الرد (انا اتصلت مرة ثانية في ريجنسي وكلمني واحد اسمة الين فلبيني )يقول في فندق سلفرج يطلع135بوند الليلة واللة اني ماأشيل هم وانت موجود يالقطري
ام توتو
الله ايقدرني وأكون عند حسن الظن ان شاءالله ..
فندق السليفرج حلو ومكانه حلو لأنه لاصق في مجمع السليفرج الي بأكسفورد ومقابل ثيستل مباشره وخلف كامبرلاند ..يعني نص دقيقه وأنتي بشارع أكسفورد ودقيقه ونص لين أدجول رود ..
وسعره مناسب بالنسبه للأسعار الباقيه ..
وهذي بعض الأسعار لفنادق قريبه واجد من شارع أسكفور وادجول رود مع الأسعار ..
فندق Radisson SAS Portman Hotel من فئة 4 نجوم ويطلع سعر كامل 1894 باوند حق 8 ليال ( 9 ايام )
وفندق ثاني Royal Sussex Hotel من فئة 3 نجوم ويطلع السعر 810 باوند لنفس المده
وفندق Comfort Inn Edgware Road على شارع ادجول رود ب 812 باوند فئة 3 نجوم ..
عندج هالخيارات وتقدرين تتحكمين انتي في المكان والسعر الحين وحتى فندق السليفرج مكانه حلو واجد ..
فندف السليفرج بيطلع سعره كامل 1080 باوند ..
احسبيها واختاري وكل هالفنادق متوفر الحجز فيها ..
واي شي احنا تحت أمرج يابنت ديرتي ..
الأفضل انج تدفعين في السفريات لعدة أسباب أهمها انج ماتتفاجئين بالواقع لأن بعض المواقع مشبوهه وفيها نصب نفس ماصار مع أخوي للأسف ..
ونفس الوقت تدفعين في السفريات كل الي عليج واتكونين عارفه الي لج والي عليج ..
وسفريات ريجنسي ثقه وبعد عندج توريست ثقه ولكن الحلو في ريجنسي انهم فاتحين 24 ساعه وعندهم كل شي ..
وإذا بتروحين ريجنسي بانصحج اتروحين حق موظفين معينين لأنهم خبره ويقدرون ايجيبون أفضل الأسعار وأرخصها ..
حطيتوا العين على فندق ولا بعدكم !!