مرحبا ومسهلا اخوي النشمي
جاكرتا : أول ليلة : شغلك مزبوط انصحك تسكن بفندق الاتيريوم سعرة معقول بحدود 620000 الليلة وجمبة مجمع الاتيريوم
يعني عصفورين بحجر قريب ولا تتعب نفسك لانه يوم واحد
وراح تجد مكتب كاها مقابل فندق الاتيريوم تستطيع تحجز منه رحلتك إلى بالي بس ياحبذا((((( تشيك على مكتب كاها من
السعودية وتحجز منه عشان ماتتوهق انت معك عائلة لان الشباب الاسبوع الماضي توهقو على مالقو حجز فل الديرة
وتحجز الفندق بعد حلو الكلام ننتقل للي بعدة
الجبل : هذا امرة سهل عندك اخونا سلطان المزيد كنيتة في المنتدى مستشارك السياحي ماراح يقصر معك في
اي شي لما تروح الجبل على طول لمكتب سلطان عنوان المكتب تلاقيه جمب البقالة السعودية احسن الفلل عندة
وارخص اسعار بصراحة وانا ماقلت لك على مكتبه الا ان الرجال شهادتي فيه مجروحة راح يقوم فيك اكثر من نفسة
وكل شي عنده تبي سيارة بسائق موجود تبي صرف دولارات موجود تبي سفتي بوكس موجود تااكيد الحجوزات موجود
يعني ماراح يقصر معك بشي وراح يعمل لك برنامج لو بغيت في منطقة الجبل من زيارة تامان سفاري ( حديقة الحيوان)
إلى الشلالات إلى البرشوت إلى بحيرة اليدو ولا تنسى منطقة شيباناس اعلى منطقة بلجبل ومطعم رندو علم تمشي
والسحاب عندك تحتك يعني منظر خيال
باندونق : كلام حلو فيها الموية الحارة اللي هو البركان وفيها بعد مجمعات يحبها قلبك كل شي موجود من الماركات المقلدة
يعني تسوق وامبسط والسكن يستحب انك تسكن في مجمعات لانها قريبة من اماكن التمشية
وبعد كذا ترجع لجاكرتا بالسلامة وتجهز الشناط والاستعداد لرجيل وترجع سالم غانم
ولا تنسى التقرير بالصور
وتقبل تحياتي اخوك : فهد الخالد

اجازة موفقة
و توزيع رائع جداً
لا يحتاج لمراجعة ولا تغيير

اخي الكريم
انا توي راجع من هناك برفقة زوجتي والمنطقة عكس ما توقعت مليانه سياح من( خامتنا )على قولة السواق اللي معاي من شباب وعوائل واذا تبي شوري فاليك ترتيب ارى انه مناسب جدا لك:
جاكرتا 1
باندونق 3
الجبل 6
بالي(لا انصحك بها لكونها منطقة قذرهولا تصلح ابدا ) واستبدلها ب لومبوك 3
جاكرتا 3

• اهم شي في توزيعي ان ذهابك الى باندونق والجبل لا يوافق اجزة نهاية الاسبوع عندهم نظرا للازدحام بالطرق

بالنسبة للفنادق على حسب الميزانية
فانا حجزت اول ليله في جاكرتا في فندق ماريوت بسعر 185 دولار ويعتبر سعر مرتفع مقارنة بباقي حجوزاتي
وفي بانودوونق حجزت في الشيراتون بسعر 850 الف روبية يعني تقريبا 320 ريال (الله يخلف علينا واسعار الفنادق عندنا)
وفي الجبل حجزت فيلا من اروع الاطلالات ولن يعيبها الطريق لها وكونها في منطقة لا يوجد بها مجمعات سكنتية ويميزها عدم وجود الشباب وهي بسيطة الاثاث ولكنه مرتب بسعر 550 الف روبية تقريبا بسعر 200 ريال
وفي جاكرتا سكنت في فندق كراون بلازا بسعر 650 الف روبية تقريبا 240 ريال وبالمنسابة الخدمة والنظافة في الفندق تساوي في نظري الماريوت بل كراون بلازا افضل من ناحية وقوعه على الطريق السريع وبقرب سوق بلازا سمانقي
طبعا ما ذكرت لك هذا الشي الا عشان اقولك ان الحجز غير مضمون من الفنادق او من المطار نظرا للازدحام
وانا حجزت عن طريق شخص محل ثقه يؤمن لك الحجوزات وانت مرتاح البال ويؤمن لك سائق فاهم
حيث ان السائق من اهم الاشياء هناك ويوميته لا تتجاوز 200 ريال ( 500 الف روبية) تقريبا عدا التنقل من مدينة لمدينة فيزيد 100 الف روبيه
لكن اهم شي انك تكون مرتاح وعندي لك سواق اسمه مفتااح فاهم الاماكن مكان مكان وخلوق ومؤدب وسبق له العمل بالسعودية ويعجبك الولد وعلى مسئوليتي وعنده رقم شغاله طباخه درجه اولى اسمها يولي تضبط الكبسه والمقلقل والشكشوكه والكبده وكل شي وهذا رقم السواق اذا اردت التعامل معه ولكن اتصل عليه بوقت كافي 006281586526534
ومن باب الفائدة سوف ادلك عى من يقوم بالحجز وهو الاخ بونشاك واليك رابط الموقع وعليك بالتواصل معه واسعاره جيدهللحجز/ اسعار الفنادق والشقق في جميع مناطق اندونيسيا - هنا إندونيسيا http://indonesiahere.com/showthread.php?t=3137
وستجد هناك دليل ساحي متكامل عن كل ما يفيدك أخي الكريم وبشكل مرتب
واي سوال انا في خدمتك

ماشاء الله عليك ياابوليان.
خبره.
وشكرا

الله يعطيك الغ عافية
بس فعلا غريبة أن تكون الديرة فل في هذا الوقت
طيب لو حجزت فنادق في بالي + جاكرتا عن طريق الإنترنت , ممكن أحصل سعر أحسن ؟

اخوي
ترى الامور تساهيل من ناحية الحجز......فلا تقلق ابد.
لا تستغرب ياالغالي من الزحمه .لان المنتديات كلها اصبحت تتحدث عن اندونيسيا........وصارت تسوي دعايه مجانيه لخطوط الطيران والبلد. واصبحوا الله يهديهم يقولون لشبابنا السعودي والخليجي عامه ان اندونيسيا راح تكون رخيصه جدا في الربع الاخير من السنه اي شهر 10 و 11 و 12.
بس للاسف ولد عمي وصل قبل تقريبا 10 ايام.....يقول السياح في اندونيسيا اكثر من الصيف وخصوصا شبابنا الله يصلحهم. وطيروا الديره وغلوا الاسعار وصارت مثل اسعارهم في الصيف.
فاتوكل على الله وشد الرحال على بلد العمه. ومثل ما قالت لك لا تقلل من ناحية الحجوزات. وبامكانك الاتصال على مكتب كاها من هنا. واتفق معاه على بالي وغيره.
تروح وترجع لنا بسلامه ان شاء الله ومعاك التقرير الزين مع الصور.
وشكرا

رحلة موفقه انشالله ياخوى والاخوان ماقصرو كفو ووفو
وترجع بالسلامة باذن الله ،،،،،،،،،