:smile002:
السلام عليكم ورحمة الله وبركاته
اخواني اعضاء ومشرفين بوابة اندونيسيا الغالي ... في البداية كل عام وانتم بالف خير ومبروك عليكم الشهر الكريم
واتمنى من الله العلي القدير ان يعيننا واياكم على صيامه وقيامه وان تقبل منا ومنكم صالح الأعمال ....
وطبعاً وكما هو معتاد في رمضان يكون هناك ركود في البوابه ... فحبيت ان اذكر لكم قصتنا المريره انا مع الشباب ومعاناتنا مع الخطوط السعودية وكانت قبلها الجارودا ....
معليش اسمحولي القصه طويله شوي ... والله يعينكم علي ... طبعاً انا ما اصرفكم بالموضوع هذا عشان انسيكم التقرير ولا حبيت اني اجزاء القصه عشان ما اطول عليكم ... لكن ان شاء الله بحول المولى عزا وجل يوم السبت التقرير نازل في المنتدى ...
في يوم من الايام كنت انا واخوي nawafo جالسين عند واحد من الشباب الله يذكره بالخير اسمه عبدالله ... وجالسين نتشاور في موضوع السفره ونحدد التاريخ اللي يناسبنا والمده وبعض الامور ...
اتفقنا ان احنا نسافر على الجارودا يوم 4 / 9 وتكون العوده يوم 25 / 9 وكان سعر التذكرة ب 3025 ريال على البزنز ...
اللي صار ان اليوم الي رحنا نصدر فيه التذاكر تفاجأنا ان الخطوط الجارودا الغة رحلة العوده يوم 25 وتحولت مباشره على يوم 29 يعني في 4 ايام زياده .... بصراحه الكلام هذا ما عجبني لكن اخوي عبدالله كان عادي بالنسبه له ونواف كان متردد .... حاولنا ان حنا نشوف خطوط ثانيه لكن ما لقينا ... اما التذكره غاليه او ان مافي حجز عوده او الرحله مافيها بزنز ومن هذي الامور ... اتكلنا على الله ورضينا النصيب وشرينا التذاكر والعوه تكون يوم 29 سبتمبر ....
وبدينا هنا نرتب امورنا نشتر اغراضنا ونجهز الشناط .... يوم 3 سبتمبر قبل الرحله بيوم او بالتحديد قبل الرحله ب 18 ساعة جاني اتصال من الخبر لكني ما كنت قريب من الجوال انا بصراحه ما عرفت الرقم ومين المتصل ... سبحان الله مدري ليش حسيت ان اللي متصل الجارودا اكلم الرقم يطلع لي فاكس ... كلمت 905 واخذت رقم الجارودا وكلمتهم وسئلتهم انتو متصلين علي ؟!؟!؟ السبب لاني كنت خايف يكون في شي واللي زادني شك انه رقم فاكس وقبل السفره بساعات قلت يمكن يكونون متصلين عشان يتأكدون ... قالي الموظف ممكن احد اتصل عليك لكن عطني رقم جوالك وخمس دقايق وارجع اكلمك قلتله OK ....
بعد كم دقيقه الا الجول يرن ونفس الرقم اللي جاني من الاول رقم الفاكس ... قلت بس هذهم يوم رديت ولا يطلع واحد ثاني وغلطان ... انا هنا قلت خلاص الحمدالله مافي شي والامور سليمه .... كم دقيقه ويجيني اتصل من الجارودا الو ... الو ولا هذا الموظف اللي كلمته ولا هو يبشرني ذيك البشاره
تم الغاء رحلة العوده وتم تحويلكم من رحلة يوم 29 الي 2 اكتوبر .... يعني بالصلى على النبي 27 يوم وقبل رمضان بليله وحد بس .... تخيل يقولي الكلام هذا قبل الرحله بكم ساعه وفوق هذا اني انا بالغلط اللي كلمتهم ... يعني لو عليهم ما عندي خبر الا وانا هناك ....
ما اطول عليكم في اللحضة هذي حسيت بقهر ما قد حسيت بمثله ... صكيت الخط وانا حاط يدي على راسي وكنت في لحظة من جد منهار .... كلمت الشباب وعطيتهم خبر كانو يضنون اني امزح معاهم ... لكن يوم شافو ان اعصابي مره تعبانه صدقو الموضوع ... الشباب يسئلون وشو السواه ... انا مدري
بعد تقريباً نص ساعة هدت اعصابي وقلت خلني اكلم مكتب السفريات يمكن وعلا وعسى اني الاقي بديل ولو اني من جد كنت فاقد الامل .... موظف السفريات جالس يهل على بالبشاير طيران الخليج مافي عوده القطريه مافي ذهاب الاماراتيه فل الكويتيه بعد اسبوع .... وصل عند السعودية ولا يقولي في بكره على الدرجة الاول من الرياض ... انا مصدق مكذب اكيد يا بوالشباب قال اكيد بس لازم تجيني احين عشان نصدر التذاكر ... انا قلتله ليش تنتظرني اصدر التذكره وانا جايك في الطريق ....
وصلت عنده وانا في قمة السعاده والشباب كانو من جد مش مصدقين .... وانا جالس عند الرجال واسئله متى موعد الرحله قالي الساعة 00:30 يعني 12 بلليل قلت حلو طيب متى موعد رحلة الدمام الي الرياض قالي الساعة 09:00 قلت انا ممتاز يعني يدوب نوصل على 10 وبعدها نركب الطيارة .... شوي الا هو يعيد على الرحله الساعه 9 الصباح ماهو باليل ... ليه يابوالشباب قلي مافي الاهذي اللي عليها امكانيه ... يعني تجلس بالمطار 13 ساعة .... طبعاً انا في اللحظة هي كنت افكر وبجديه ان اللغي السفره لكن اللي كان مهديني نواف وقالي مش ضروري ان حنا نطلع الساعة 9 نروح بالقطار او نروح بسياره ... وهو يقول هونها يابن الحلل .... وعبدالله كنا نكلمه وما كان مستوعب الكلام اللي جالسين نقوله ...
شرينا التذاكر واحنا مش عارفين كيف نبي نروح الرياض وخصوصاً ان الشباب كانو لسه باقي لهم اشغال كثيره ما خلصوها وعلى امل انها تخلص يوم السفره الصباح ..... يعني روحه بالطياره مستحيله ... اتفقنا انا حنا نروح بسياره للرياض وبوحده من سيارتنا بس الكلام كان وين نوقف السياره ... لاني نسيت اقول لكم ان العوده راح تكون مباشره من جاكرتا على الدمام ... يعني لو وقفناها في الراياض ما نستفيد منها ... وكان السؤال كيف نرجع السياره الدمام ... اتفقنا في الاخير انا حنا نكلم واحد من الشباب في الراياض يجينا المطار ياخذ السياره ويعطيها البسامي للنقليات عشان يرجعها الدمام .... هنا صارت المشكله نروح الرياض على سيارت مين ؟؟ سيارتي ولا سيارت نواف ولا سيارت عبدالله ...
طبعاً قبل ما نفكر ان حنا نروح بسيارتنا كان ممكن ان حنا نشوف لنا من هذول اللي يوقفون عند النقل الجماعي ويوصلن للرياض ب 250 ريال او 300 ريال ... لكن المشكله ان الشناط اللي معانا 3 وكل وحده اكبر من الثانيه يعني السيارات الصغيره هذي مستحيل تشيلها ...
وسيارتي وسيارت نواف زي بعض ومش ممكن تشيل الثلاث شناط ... وبالموت وافق عبدالله ان حنا نطلع سيارته بس بشرط ياخذ على الراس 100 ريال والشنطه 25 ريال .... وكان عبدالله يبي يحسب علينا وزن زايد على الشناط بس الله هداه واكتفى ب 125 ريال ..... السبب ان سيارة عبدالله جيب ... الحمدالله مشينا الرياض و وصلنا بالسلامة المطار وكان الرجال ينتظرنا على الموعد ... واخذ السياره واحنا الحمدالله سافرنا على جاكرتا ....
وبعد 20 يوم من الوناسه ولانبساط ... جا يوم السفره وتوجهنا الي مطار سوكارنو راجعين الي ارض الوطن ... واحنا في المطار حسيت ان الوضع معتفس والامور متلخبطه وموظفين الخطوط محيوسين على عينهم ...وش سالفه قالو الرحله تغير مساره بدل ما تنزل الدمام راح تنزل بالرياض ... انا ضاق صدري في الاول بس قلت يالله مش مشكله كلها ساعه ولا ساعتين انتظار في الطياره وبعدين تكمل على الدمام ... قالو لا .... لازم تنزل من الطياره وتختم الجوازات وتشيل شناطك ... وتطلع من المطار الدولي
طيب وبعدين كيف نروح الدمام قالو نعطيك تذكره وعليها ترجع الدمام ... قلت لهم طيب متى الرحله قلو مافي امكانيه والرحلات اللي من الرياض الي الدمام كلها فل ..... انا هنا ندمت ان سافرت وقلت للشباب ياليتني ما سمعت كلامكم واجلنا السفره الي بعد رمضان ... وقلت ليتنا ما رجعنا السياره الدمام .... لو خليناها في الرياض كان على طول رجعنا .... بعد المحاولات والاتصالات على كل اللي اعرفهم يعرفون ناس في الخطوط السعودية وبتوفيق من الله لقينا رحله الساعة 12 بالليل واحنا رحلتنا توصل الرياض الساعه 6 المساء يعني متسدحين في المطار 6 ساعات .... طبعاً احنا نحمدالله اللي لقينا حجز ولا في واحد شفناه في مطار الرياض الي ثاني يوم ما لقى حجز ...
وبعد معاناه من التسدح والتبطح في مطار الرياض وصلنا بالسلامة للدمام ....
وشوفو الصوره هذي معبره عن الموقف المرير اللي عشناه في مطار الرياض ...
V
V
V
V
V
V
V
هذا نواف وعبدالله نايمين في مطار الراياض
:36_11_6: :36_11_6: :36_1_19: :36_1_19: :36_11_6: :36_11_6:
طبعاً لا احد يضن ان الموضوع هذا تأليف بس عشان انزل الصوره ... بس وانا اكتب الموضوع ذكرت الصوره ... لانها كانت تشابه الوضع اللي كنا عايشينه في المطار ....
تحياتي لكم وانا اسف جداً جداً على الاطاله
اخوكم
برونكوس