افريقيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
  2. افريقيا
  3. قريت كل مواضيعكم و خططت رحله لمده 15 يوم كيب تاون ويلدرنس
نشر في افريقيا

قريت كل مواضيعكم و خططت رحله لمده 15 يوم كيب تاون ويلدرنس


    • azaiz
    06-11-2022 - 03:37 am
    1. خط سيرها ( جدة جوبرغ ) 9 نوفمبر عالخطوط السعودية ، الوصول 10:45 am


    بسم الله الرحمن الرحيممدة الرحلة 15 يوم من 9 نوفمبر إلى 23 نوفمبر لشخصين ( تجديد شهر العسل )

    خط سيرها ( جدة جوبرغ ) 9 نوفمبر عالخطوط السعودية ، الوصول 10:45 am

    ( جوبرغ جورج ) 9 نوفمبرعلى kulula air ، الاقلاع 14:30 الوصول 16:25 ب1238 راند وحاجلس 4 ليالي في فندق mes amis ، وبعدين المغادرة ( جورج كيب تاون ) 13 نوفمبر على الخطوط الجنوب أفريقية ( وهي الوحيدة اللي حصلت عليها رحلة ) الاقلاع 8:00 صباحا والوصول 8:50 ب 1200 راند ، وحاجلس 10 ليالي وبعدين ( كيب تاون جوبرغ ) 23 نوفمبر على kulula air الاقلاع 6:30 صباحا والوصول 8:30 ب1000 راند ، وأخيرا عالخطوط السعوديه ( جوبرغ جدة ) الساعة 12:30 صباحا والوصول الساعة 10:25 مساءً ..
    المشكلة الحين هي الفنادق بالنسبه لويلدرنس مالقيت الا الموقع اللي حطه الأخ دوراك في موضوعه بس مالقيت الأسعار ؟؟؟؟
    أما في كيب تاون فلقيت peninsula hotel الليلة ب 1320 راند ، 184.80 دولار ، 673.20 ريال على الموقع http://www.cybercapetown.com
    ولقيت protea hotel sea point الليلة ب 925 راند ، 129 دولار ، 471 ريال على نفس الموقع ، ولقيت نفس الفندق ( protea) على موقع hotel clup ب895 راند ، 128 دولار .. ورحت مكتب الزومان في جدة بطريق المدينة وسألتهم عن ال protea وقال ب 511 ريال تقريبا لليلة بس قال ارجعلنا نص رمضان يمكن تنزل عروض ...
    سؤالي لكل اللي عنده خبرة في جنوب افريقيا وبالأخص (دوراك سمو الشيخ مانديلا اماراتية نت ) ولايهون الباقين .
    1 بالنسبة لحجز الفنادق عن طريق مكاتب السياحة ؟؟ أو عن طريق النت ؟؟ ( ممكن يكون فيها خطر عشان رقم الكريديت كارد ) وإلا ايش رايكم ؟؟؟؟؟
    2 بالنسبة لويلدرنس هل بالضرورة يكون معانا سواق خاص للتنقلات هناك ؟؟
    3 بالنسبة للعوده من ويلدرنس إلى كيب تاون اختصرتها من 4 ساعات بالسيارة إلى 55 دقيقة بالطيارة
    بس شايل هم الوزن الزايد لأني ناوي ابضع من منطقة المصانع اللي شجعني لروحتها دوراك لأني قريت موضوع سمو الشيخ وفهمت ان وزن الشنطة مايزيد عن 32 كيلو طيب على كذا مسموح لكل شخص كم شنطة ؟؟
    4 أما بالنسبة لكيب تاون تنصحوني باستئجار سيارة أو سائق خاص ؟؟ مع العلم ان سعر السواق الخاص غالي بحسب كلام الاعضاء اللي سافروا قريب (800 900 راند في اليوم ) وماراح اكون بحاجته طول الوقت ( مثلا لما اكون في جبل الطاولة ، حديقة الزهور ، رأس الرجاء الصالح ....... إلخ اللي حاقضي فيها من ساعتين إلى 3 ساعات)
    معليش ان طولت عليكم وكثرت الأسئلة بس بصراحه أنا حبيت البلد قبل ماأروحها من وصفكم لها وتقاريركم الأكثر من رائعة عنها
    ولكم جزيل الشكر ،،


    التعليقات (9)
    • nice voic
    nice voic
    06-11-2022 - 06:07 am

    هلا عزيز
    ماعليش باكون ملقوف وراح ابدأ قبل ذوي الاختصاص............
    اولا تدري ان لي يومين ادور مدينة wildness في النت مالقيت لها رحلة بالاسم هذا لكن الحين انا عرفت
    ان وايلدنس هي جورج .............اليوم راح ادور عليها...........
    انا ان شاء الله باروح بعدك في اول ديسمبر
    احلى مافي الخطة انك تروح لجورج قبل كيب تاون
    بعدين عندي اقتراح لك .....ليش ماتروح لكيب تاون من جورج بالباص........صح انها 4 ساعات بس راح تستفيد من:
    1- راح تزورر الكهوف
    2-الوزن الزائد يكون ماعندك مشكلة
    3-تستفيد من ان كيب تاون هي المحطة الاخيرة علشان يكون عندك وزن حلو للرحلات الخارجية
    4- بعدين تروح بالباص بمبلغ حلو على حسب موضوع مانديلا احسن من 1000 رائد
    ليش
    الرحلة كلها 4 ساعات بالمبلغ الفلاني ليش؟؟؟؟؟؟؟؟

    • da Diver
    da Diver
    06-11-2022 - 07:08 am

    1. السلام عليكم

    2. Tel: +27-(0)44-8771928

    3. fax: +27-(0)44-8771830

    4. نقطة ثانية مرة مهمة:


    السلام عليكم

    بالنسبة لحجز الفنادق عن طريق مواقع الانترنت غالبا ما تكون ارخص من المكاتب السياحية خصوصا اللي في جدة .
    ثانيا لازم تختار المواقع المشهورة للحجز منها يعني مو اي موقع يعطيك سعر مناسب تحجز منه السبب ان المواقع المشهورة عندها درجة امان وسرية عالية جدا خصوصا عند ادخال المعلومات المالية للعميل ويمكن ان تلاحظ وجود علامة القفل الأصفر الصغير في اسفل الشاشة عن معظم هذه المواقع وغالبا ما يكون رقم بطاقة الإئتمان لمجرد حجز الغرفة يعني Confirmation وتقدر تدفع كاش اذا وصلت بالسلامة مع الاخذ في الاعتبار ان يكون السعر المعروض شامل للضرائب
    2) بالنسبة لويلدرنس لازم يكون معاك مواصلات طوال الوقت علشان تقدر تتنقل بين الأماكن براحتك لأن المكان عبارة عن قرية حالمة تنام بين احضان المحيط " يعني بالعربي شغل مرة تمام "
    هذا عنوان الفندق اللي موصي عليه دوراك وتعاملهم راقي جدا والحجز عندهم عن طريق الايميل بس لازم بطاقة ائتمان ولكن ما يوفروا غرفة مجانية للسائق فلازم تتفق مع السائق من بدري انو يدبر نفسو.
    http://www.mesamis.co.za.
    Gerhard Groenewald
    Mes Amis

    Tel: +27-(0)44-8771928

    fax: +27-(0)44-8771830

    على فكرة لا يفوتك الشوي من البلكونة وممكن تطلب من صاحب الفندق في الايميل انو يحضرلك عدة الشوي ويجيبلك لحم حلال لأن اللحم الحلال اللي متوفر في القرية عندهم مش ممتاز فيطلبلك لحم ممتاز من جورج وبالهنا والعافية :222:

    نقطة ثانية مرة مهمة:

    السفر جوا عن طريق كولولا ومعاك عفش زائد يعتبر جدا مكلف يعني راح يحسبو عليك بالجرام يا لطيف لذلك انصحك بالطريق البري اللي حتنسى فيه طول الطريق وححتعب رقبتك من كتر اللفلفة لليمين واليسار من حلاوة المناظر وتروح لأماكن التسوق اللي جنب محطة القطار وتتبضع على كيفك وتحط في السيارة وتركب القطار وينتظرك السوائق بالعفش حقك في محطة الوصول.
    واخيرا بالنسبة للسائقين في جنوب افريقيا اعتقد انو ارقامهم صارت معروفة في المنتدى ويمكن انك تلاقي باسعار اقل من المذكورة وكمان انت ما حتحتاج السائق غير في ايام محددة
    هذه بعض الافكار وان شاء الله تستفيد منها وطبعا ننتظر من الخبراء اللي ذكرتهم انهم يفيدونا اكثر

    • osama65
    osama65
    06-11-2022 - 08:09 am

    الاخ عزيز
    انا رجعت من جنوب افريقيا قبل اسبوعين و انصحك بالتالي
    1-اذا تحب الفنادق عليك(table bay hotel or protea hotel sea poi) افضل منpeninsula
    2- اذا تحب الشقق و امنه جدا (مارينا في واتر فرنت او اذهب للموقع http://www.capevillas.com
    3- اذهب ل SUNCITY من جوهانزبرغ 200كم لمده 5 ايام كافيه

    • nice voic
    nice voic
    06-11-2022 - 09:10 am

    هلا عزيز
    بشرنااخبارك واخبار حجوزاتك.......
    بعدين تعال ..كيف تقول لقيت الرحلة من جوهانسبرغ الى جورج في 9 نوفمبر ب1000 رائد...انا شيكت
    موقع خطوطهم اللي حاطه انت لقيت رحلتين واحدة 600 وشوي رائد والثانية ب700 وشوي رائد؟؟؟؟؟
    بعدين لقيتلاك موقع الفندق اللي تبيه في جورج غير اللي مستر ديفر حطه
    http://www.safarinow.com/go/mesamis/?a=142587
    معاها فنادق ثانية في نفس المدينة خذ فكرة عليهم وعطنا الاخبار
    وهذا موقع حلو تختار المدينة اللي تبي ويطلعلك الفنادق اللي فيها
    http://www.safarinow.com/
    وهذا لنفس الفندق اللي تبيه لكن من موقع ثاني....ممكن تقارن بين المكاتب او المواقع وتختار بينهم
    http://www.sleeping-out.co.za/member_rates.asp?MemberID=3226

    • Dorak
    Dorak
    06-11-2022 - 10:11 am

    السلام عليكم
    أسف لانقطاعي وهذه ملاحظاتي:
    • مثل ما قالوا الاخوان nice voic و da diver العودة من جورج الى كيب بالسيارة أو الباص أفضل عشان ما تضع عليك فرصة الاستمتاع بالجاردن رووت والطريق مو متعب قد ما هو ممتع لأنك حتشوف بحار وجداول وشلالات وخضرة وحيوانات وحتوفر قيمة التذاكر والعفش الزائد.

    بالنسبة لفندق ميس آميس فأخونا da diver شرح بالتفصيل طريقة الحجز وأنا شخصيا أفضل هذه الطريقة لأنها تكون مباشرة مع الفندق أفضل من الحجز عن طريق مواقع أخرى ولا حتلاقي أسعر أقل من 300 راند للشخص مع الفطور .
    • الآن صار في شركات سياحية في منطقة جورج تقوم بعمل رحلات سياحية مثل http://www.classiccapeshuttles.co.za/

    وتوصل حتى الكيب تاون
    وهذا سائق عنده موقع على النت ويقدم خدماته في كيب تاون وفي الجاردن رووت بس ما أعرف عن أسعاره
    http://www.ilovecapetown.com/
    • - بالنسبة للسائق الخاص في كيب تاون , أنا لاحظت أن الكثير يقع في خطأ الاعتماد عليه اعتماد كامل في جميع المشاوير , بينما أنا نبهت أن السائق يجب استخدامه في المشاوير البعيدة فقط أما المشاوير الأخرى فيستعاض عنه بالتكاسي العامة أو الباصات أو باصات الفنادق أو الباص السياحي حق كيب تاون .


    • Dorak
    Dorak
    06-11-2022 - 11:12 am

    أما بالنسبة للفنادق فأنا أقترح الانتظار حتى بداية اكتوبر عشان تنزل عروض نوفمبر

    • azaiz
    azaiz
    06-11-2022 - 12:13 pm

    بسم الله
    أولا اعتذر عن التأخر في الرد والسبب شركة أوربت فكانت خدمة الاتصال بالنت اليومين اللي فاتت مقطوعه ( لا انصحكم بالاشتراك معهم ) .ا
    الأخ nice voic
    بالعكس لاانت ملقوف ولاشي ، شكرا على تواصلك (بس قصدت باللي حددت اسمائهم إن الفايدة منهم أكبر لأنهم أخبر) وإن شاء الله كلنا حنفيد ونستفيد من بعض .
    بالنسبة لمدينة ويلدرنس فهي تبعد عن مدينة جورج حوالي 2 كلم بحسب اللي قريته .
    أما الباص اللي قلت عليه ماني عارف ايش قصدك باص سياحي والا ميني باص استأجره؟؟؟
    أما بالنسبة لسعر تذاكر الطيران فأنا اقصد لشخصين ،، وإن شاء الله راح أشيك عالمواقع اللي حطيتها لي وأعطيك الأخبار في أقرب فرصة ..
    الأخ da Diver
    شكرا على مرورك،، وبصراحه كنت متردد إني أحجز عن طريق النت بس بعد توضيحك ان يكون عن طريق مواقع معروفه اتشجعت .
    طيب قوللي رأيك بالموقع http://www.cybercapetown.com
    والله يعطيك العافيه على المعلومة الهامة اللي عن السواق انه ماله غرفة مجانية ... طيب عزيزي سؤالي لك خاصة وللجميع عامة :
    أنا رايح إن شاء الله لجورج بالطيارة فهل هناك في ويلدرنس سواقين اتعامل مع أحدهم طوال فترة جلوسي وبعدين ياخذني لكيب تاون ؟؟؟؟
    الأخ osama65
    الحمد لله عالسلامة وإن شاء الله انبسطت ،، بصراحه شكلي والله أعلم اني حاستقر على protea
    بالنسبة لسن سيتي ماراح أقدر اوفي بين الثلاث مدن ( ويلدرنس كيب تاون سن سيتي ) لأني أحب أعطي كل شي حقه ،، لكن لها رجعه مخصوص باذن الله .
    الأخ dorak
    شكرا على ردك وبالنسبه للموقع اللي حطيته عن السواق حادخل عليه واعطيكم أخباره إن شاء الله ..
    حاب أطلب منك طلب لو تكرمت انك تكتب لي المناطق السياحية البعيدة عن منطقة ال sea point واللي يحتاج لها سواق باليوم عشان ارتب أموري ...
    الله يعطيكم العافية جميعا ...

    • azaiz
    azaiz
    06-11-2022 - 01:14 pm

    1. سلام للجميع

    2. فكروا بالموضوع وردوا علي ....


    سلام للجميع

    دخلت على موقع http://www.mesamis.com.za اللي حطه الأخ da Diver ،، واليكم التفاصيل :
    تتراوح أسعار الغرف من 300 400 راند لليله للشخص الواحد وعند الحجز عن طريقهم لازم دفع %50 من مجموع المبلغ والباقي قبل الوصول بشهر ، بالنسبة لالغاء الحجز لازم يكون قبل شهرين من تاريخ الحجز علشان يرجع لك كامل المبلغ !!!!!!! :thumbdown
    اذا كان الغاء الحجز بعد شهرين من تاريخ الحجز يرجع لك كامل المبلغ لكن بشرط ان يكون بيت الضيافه mes amis فل (مليان) خلال الفترة التي حجزتها . وهناك شروط أخرى ممكن أن تتطبق من قبلهم في المواسم المزدحمة . ( اجتهادات في الترجمة نرجوا المعذرة ) ..... :8888:
    اتصلت عليهم:11one: عشان اتأكد من اللي قريته وسألت الموظف عن سعر الغرفة أكد لي الكلام المكتوب أعلاه ،،، انهم ياخذون عالراس يعني كل راس ب 400 راند ،، واذا تبغون تحجزون عن طريق التليفون تقدرون بس لازم تعطون الموظف تفاصيل ورقم بطاقة الائتمان ... ( يعني بالعربي أنا وزوجتي تطلع علينا الغرفة ب800 راند !!!!!!!!!!!!!!!!!!!! ) :36_1_36:

    فكروا بالموضوع وردوا علي ....

    دخلت عالموقع http://www.safarinow.com/go/mesamis/?a=142587 يا أخ nice voic ولقيت سعر الغرفة فيه 440 راند للشخص الواحد في الغرفة الواحدة ( يعني نفس الكلام اللي فوق ) بس الموقع حلو يبين لك أهم المعالم السياحية القريبة من الفندق والمسافة بينهم بالكيلومترات ....
    والى لقاء قريب مع أخبار جديدة ،،،، :36_1_27:

    • Dorak
    Dorak
    06-11-2022 - 02:15 pm

    azaiz
    كلامك هذا يؤكد كلامي والسعر أبدا مهو غالي لأن الأسعار في الموسم الرخيص كانت 300 للشخص


    خصم يصل إلى 25%

    المسافرون العرب أكبر موقع سياحي في الخليج و الوطن العربي ، يضم موقع المسافرون العرب اكبر محتوى سياحي على الانترنت حيث يحتوى على 200 ألف استفسار و نصائح عن السفر و السياحة, 50 ألف تقرير سياحي للمسافرون.

    20 عام هي رحلة المسافرون العرب الممتدة.
    © المسافرون العرب 2024