مبحــر
14-10-2022 - 08:04 pm
السلام عليكم اخواني
و بعد بحث حصلت المنتدى الجميل الي يمكن اجد بعض المساعده و عندي بعض الاستفسارات
اخواني انا ماعرف شي في المغرب الحبيب مع العلم اني لي خبرتي في السفر يعني درت الشرق الاقصى الا كم دوله مثل تايلند و الفلبين و اندنوسيا
درت اوربا بس من زمان
امريكا حدث ولا حرج
يعني السفر باختصار بالنسبه لي مش جديد
لكن انقطعت عنه مدة خمس سنوات و الان قررت بعد ماسمعت عن المغرب الحبيب اشياء كثير حلوه
اذا سمحتو
هل المعيشه غاليه فيه؟
وين الافضل السكن في فندق او شقه
بكم اجار الشقق هناك؟ وهل فيه موقع اذا تخبرونه لمعلومات الشقق
ايش الفندق الافضل انزل فيه اول ما اوصل
كم معدل المصرف الي احتاج له يومي .. مع العلم اني شوي مبذر و احب ابسط نفسي
ايش الي يجب ان انتبه له وانا اخوكم و ايش الاماكن الي مفروض ابتعد عنها او المناطق الي ابتعد عنها
ايش الفرق بين كازا و مراكش وين الافضل؟
ودي احصل خوي معي بس للاسف ماحصلت
اسف على الاطاله اخواني
عموما ولا يهمك راح اعيد اجاباتي الى فاكرها
اولا كل سنه وانت طيب وحياك بالمنتدى وانت بين اخوانك وان شاء الله نعين ونعاون
من ناحيه المعيشه بالنسبه لاهلها غاليه عليهم الا المقتدرين لان البنزين غالي والايجارات غاليه والحمد الله احنا نهون عنهم بكثير لان البنزين رخيص والماكل رخيص
بخصوص الفندق انا اشوفه الافضل خصوصا لمن تكون لوحدك لان فيه راحه وامان وكل شي متوفر عندك بالفندق من ناحيه نظافة الملابس وبوفيه الفندق وكل شي قريب منك وكل شي تقدر تطلبه بتلفون
اما الشقه فراح تكون حلوة لو كنتو قرووب وشله اصدقاء راح يكون لها طعم ثاني طبعا هذي وجهه نظري المتواضعه لان الجمعه راح تكون حلوة بالشقه وتستانسو وتفلوها وما راح تزعجو احد