ترحون وترجعون بالسلامه
ما دام فيها اطفال يمكن غيري يعرف أكثر
شوفي تقرير ابو امجد عائلي ورائع جدا
https://artravelers.com/p/re/660368

1. قصر فرنساي


2. وحجزو تذاكركم اون لان قبل لاتروحون افضل


3. وعقب فرنسا رحنا المانيا دسلدورف وهم للاسف وضع زوجي تدهور


4. وقضينا ايام نروح ونرد علي المستشفيات

اوه ماصدق الموضوع لي الحين موجود!!
دخلت المنتدي اخطط لسفره الصيف لهالسنه وشفت قائمه الاشتراكات ولقيت هالموضوع!
وماشاءالله فيه نشاط
بالنسبه لسفرتي
الحمدالله الذي لايحمد علي مكروه سواه كانت من اسوأ اسوأ اسوأ السفرات بحياتي
عادي عادي اصلا تعودت علي الاكشن
من الطياره المضيف طق زوجي عين ارض جو كسحته بعد عمري (قاله معقوله انت عمرك جذي وعندك عيال ومتزوج انا عبالي انت شباب اول العشرين وبس عينك ماتشوف الا النور )
وصلنا باريس الصبح
الفندق موقعه ممتاز واهو من انواع البوتيك هوتيلز بالضبط بالضبط مشي اربع دقايق اكون عند ديزني ستور اللي بالتشامبز ايليزيه
يمنا مطعمين عربيين وبقاله
الغرف لاباس فيها
اخترته لان في غرفتين انتركونيكتيد حيث اني مسافره مع عيالي
يعني جناح في غرفتين نوم مع بعض وكل وحده بحمامها بس اسكر باب الجناح اصير جني بشقه براحتي
وجدا الستاف متعاون (الريسبنش اهو ولد صاحبه الهوتيل واهو اللي يبدل فوط والروم سيرفس واللي يحجز تذاكر وكل شي)
مستواه من 10 اعطيه 7 او 7 ونص
علي كل الفندق كان (المفروض ) بس للنوم
اللي حصل وصلنا نمنا قمنا زوجي جتفه يعوره الم مايفج
بالليل ايده قامت تتحرك حركات لا اراديه
بعدين صار الالم مايحتمل
وبس انتهت السفره بين دكتور يايينا الفندق (وهات يا دفع عشان يقول بونجوور تدفعون 200 يورو او 300 يورو) او رايحين عياده
قالولنا تقلص عضلي
والمشكله ان زوجي قام مايقدر ينسدح ينام او يقعد لازم يتحرك والا يمسكه الالم فقزرنا السفره كلها مشي ورديت ضعفانه 10 كيلو من كثر ما مشيت بدون مبالغه اصلا بغيت ابوس الميزان
بس للاسف مانقدر نقعد بمكان او نرتاح حتا لباص السياحي ماتحمله
الحمدالله اهلي كانو معاي وونسو اليهال وخذوهم وطلعوهم
اما انا الحمدالله عرفت عدد بلاط الشارع من كثر ما امشي فيه
وادل خوش عياده علاج طبيعي ان بغيتو
الحمدالله علي كل حال
اماكن انصح فيها تزورونها وماتتطوف

قصر فرنساي

وحجزو تذاكركم اون لان قبل لاتروحون افضل

بصراحه مابرد علي قلبي وغسله بفرنسا الا رحله فرساي شي خيالي ايهبل روعه والحدايق روعه والجو ابداع وخيال والفن الراقي والمكان عظيم واستشعرو عضمته وانتو تمشون فيه تخيلو الاميرات بنفانيفهم المنفوشه وتخيلو الحفلات اللي فيه والحياه شلون كانت
اللوفر لاتروحونله مع اطفال لان اغلب التماثيل والاشياء المعروضه تناسب 18 فما فوق (واذا عندكم بنات بتطقون اصبع - بناتي غشو ضحك من اللي شافوه صار الوضع مسخره للاسف )
ديزني لاند قعدنا بماريوت
وكان افضل خيار استمتعنا فيه جدا
بحيره صغيره رائعه وبط يتمشون والعاب بسيطه لليهال وناجر قواري ونتمشا
وخذت التاون هاوس غرفتين نوم وصاله طابقين ومجهز كامل
للاسف ديزني لاند ماستمعت فيها وايد لان مانقدر نوقف دور بسبه ان ريلي يتالم لي وقف فتره لازم يتحرك عشان يفجه الالم
بس استمتعت جدا بماريوت مكان راقي مريح وان شاءالله انزلكم صور اذا حبيتو
انا حبيت فرنسا كدوله ولي ذكرات اتهبل فيها سابقا (قبل هالسفره) ومتعت نفسي فيها بكل لحظه قدرت بهالسفره الحمدالله انا من النوع اللي يحب يستمتع بكل وقته ولا اعيش ماساه واكبر الامور

وعقب فرنسا رحنا المانيا دسلدورف وهم للاسف وضع زوجي تدهور

وقضينا ايام نروح ونرد علي المستشفيات

ولما ردينا الكويت بالسلامه سيدا عالمستشفي وسووله عمليه برقبته طلع معاه ديسك شديد ومكانه كان خطر (طلع فجأه بس بالسفره مع العلم زوجي رياضي جدا جدا وفيت والنادي شي اساسي بحياته بس سبحان الله رب العباد قدر ولطف )
والحمدالله علي كل حال
بعد شوي احطلكم صور من الرحله

بعض المقتطفات من باريس







هذي صور من فرساي

صوره للقصر

البوبات من الذهب
شعوري كان ودي اشلع عمود واسويه مضاعد حقي وحق بناتي





نرجع للجميله باريس

الحمدلله علي كل حال
شاكرين لك علي ذكر الاحداث ما قصرتي

كل الشكر اخوي فيصل شاكرتلك مرورك

وي اختي حيل تضايقت عليج،،،
الحمدلله علي كل حال
وان شاءالله السفره الجايه تكون حلوه وماتنسينها
اختي بغيت اسالج
شنو احلي الاسواق واسعارها معقوله تنصحيني فيها انا سفرتي شهر8ونقعد6ايام ف باريس
وكم كلفتكم ابي بالكويتي
تقبلي مروري

السلام عليكم
ترا نزلت موضوع كامل فيه الصور ومعلومات

ام تركش
الله يسلمج حبيبتي ويحفظلج غاليج
بالنسبه للتكلفه والله ما اذكر كلش !
ماتسوقت فباريس الا محلات الشامبزايزيه
ماقدرت بسبه وضع زوجي الصحي
ولارحت الاوت ليت ولاشي
شريت اغراض وخرابيط من ديزني لاند
بالنسبه للسوق ادري ان الاوت ليت حلو
وفي مجمعات بشارع التشامبزايزيه
وباريس
تسوقت اكثر في المانيا موقع دسلدورف حلو قريبه جدا من هولندا وبلجيكا فكنت اتسوق فيها واروح للاوت ليت مال هولندا ومال بلجيكا مسافه ساعه الا ربع لهولندا وساعه ونص بلجيكا
تذكرت
قريت برنامج
وانصحج من اخت غيريه
حاطه دول وايد ! اختي ماراح تقدرين تعطين كل مكان حقه
ووياج طفل
اليهال بالسفر متعبين واغراضهم وايد ومايمديج تستقرين بمكان وتعطينه حقه الا سكرتي جناطج
اكلمج عن تجربه
لاتتنقلين اكثر من مكانين

الصور جميله شكرا لك