رجل بنكهة الحب
19-05-2022 - 11:52 pm
السلام عليكم ورحمة الله
وكل عام والجميع بألف خير ,,, والله يعيده علينا وعليكم بالصحه والعافيه ,,
مثل ماهو موضح بالعنوان يا حبايب ,, موعد سفرى قرب بالعيد ان شاء الله وعندى مبدئيا استفسارين اتمنى الاقى اجابتها عندكم ,,
الاول / انا رحلتى ترانزيت( الرياض -الدوحة -جنيف) والعودة (باريس - الدوحه - الرياض) ,, سؤالى هو بخصوص الشناط(الحقائب لمن ينطق لغير العربيه) لما اوصل للدوحه وانزل من الطيارة هل لازم اروح للسير تبع العفش واخذ شناطي من اول وجديد واقص البوردنج واشحن الشناط على الطيارة اللى متجهه لجنيف ؟؟؟ ولا دايركت العفش يروح بس انا انزل من الطيارة واتجهه لطياره الثانيه ؟؟
او اساسا تتوقعون هى نفس الطيارة اللى خذتنا من الرياض بتوقف بالدوحه وبنكمل لجنيف لانوو مدة الانتظار بالدوحه بس ساعتين ؟؟؟
ياليت الاقى توضيح للاخوان اللى طلعو ترانزيت من قبل عشان ما اقعد افتر بالمطار .
السؤال الثانى ياحبايب ,, انا اول ما اوصل لجنيف راح اطلع مباشرة ع انترلاكن ,, تتوقعون التكاسي يوصلون من مطار جنيف اللى انترلاكن وبكم تقريبا عشان ما انصلخ بالسعر ,, واذا مايوصلون وش تتوقعون افضل طريقه واسهل طريقه لانوو بنكون مرهقين من الطيران والمشكلة خلصت الحجوزات هناك ,,, وبليزز لا احد يقول استأجر سيارة لانوو شايل فكرة القياده هناك ,, اتمنى منكم حبايبى اجابه واضحه ومفصله لانو بالفعل احس انى لازم الاقى حل واروح وانا عارف وش انا عليه ..
وشاكر لكم ومقدر رحابة صدركم ,,
دمتم بود
هلا بك اخوي
الحقائب يتم شحنها من الرياض الى المحطة الاخيرة وهي جنيف
ولا بد ان تذكر لموظف القطرية انك مواصل لجنيف وانك راح تستلمهم في جنيف وراح يعطيك الموظف ايصال الحقائب كموضحا عليه اسم المدينة gva
التكاسي من جنيف الى انترلاكن ممكن توصلك لكن لبعد المسافة 240كم فراح يكلفك بحدود 2500 ريال
الافضل من نفس المطار تاخذ القطار الى انترلاكن (كل ساعة قطار) ب 300 ريال تقريبا للشخص
والافضل من هذا كله واذا انت مو ناوي تستاجر سيارة مثل بقية السواح اللي استمتعوا بالقيادة هناك فالأفضل تشتري بطاقة التنقل سويس باس واللي مششروحه بالتفصيل في موضوع خاص في الدليل باسم اليوريل والسويس باس (ممكن تطرح اسالتك عنها هناك)