ولا رد لازلت بالانتظار من يفيدني

اولا مبروك وجعل ايامكم كلها عسل ثانيا سفرتكم باقي عليها وقت طويل واهم شيء تخطيطك يكون حلوو وتعرف نقطة البدايه والنهاية ودامك بستاجر سياره ما عندك مشكله بالسكن مو لازم بوسط انترلاكن بالعكس السياره تعطيك خيارات حلوه وتفتح لك مجالات كثيرة وجميلة ورخيصه بالنسبه لبطاقة الفيزا ليش تعيش نفسك بشك روح بدلها الشغله بسيطه
اما بالنسبه لزياره باريس فخلها اخر محطة وراح اقترح عليك البرنامج التالي
المحطة الاولى الوصول الى جنيف واستئجار سياره من الجانب الفرنسي وقضاء 3 الى 4 ليالي في ضواحي جنيف تسوي كل يوم برنامج ومنها زيارة انسي
المحطة الثانية الانتقال الى انترلاكن ساعتين ونصف بالسياره وتجلس فيها من 4 الى 5 ليالي
تنتقل بعدها الى مدينة ستراسبورغ الفرنسيه اقل من 3 ساعات وتقع حدود منطقة روست الالمانيه حيث ملاهي اليورب بارك بعد فقط 40 دقيقه ومدينة بادن بادن 40 دقيقة يومكن ان تجد تقارير لهذه المناطق في توقيع ابو عزيز تجلس هناك ليلتين الى 3 تسلم السياره في ستراسبورغ الفرنسيه علشان ما يكون هناك ضريبة اختلاف دول وتنتقل الى باريس بالقطار السريع اقل من ساعتين ونصف (بالسياره 6 ساعات علشان كذا قلت سلمها وريح راسك خصوصا انها بتكون عبء عليك بباريس ) واختياري لستراسبورغ لان موقعها استراتيجي والانتقال الى باريس سهل لو بغيت تنتقل من انتر لاكن الى باريس يبغالك 7 ساعات بالقطار ومن جنيف الى باريس 3 ساعات وهذا افضل برنامج اشوفه مناسب تحياتي

الله يبارك بايامك اخي انا حاط في بالي محطة الوصول جنيف والمغادره زيورخ بعد وصولي جنيف محتار بين انسي وديفون بعدها اتوجه الى مونتركس في سويسرا بعدها انترلاكن بعدها زيورخ ويمكن اذا في وقت ان اذهب الى زيلامسي بس ماني عارف بعد اي مدينه اضعها وهل المخطط حلو ولا اعدل فيه
ولك الف شكر يالغالي

فيصل 3
طبعا انت تقصد اذا وصلت جنيف وين تسكن بديفون او انسي ؟؟؟ انا اقول اسكن بديفون وخليها منطلق لبرنامجك لان جنيف قريبة منها اقل من نصف ساعه ولوزان تقريبا نصف ساعه وانسي ساعه ومونتركس تقريبا ساعه يعني تسوي منها برنامج وياليت تشوف خرائط قوقل علشان تعرف المسافات وتقدر ترسم برنامج مرريح
برنامجك جدا حلو ومريح وما انصحك بزل امسي لانها بعيده بصراحه موقعها يجيب لي المغص هي جميلة ورائعه بس موقعها يخرب اي برنامج طبعا انصحك بعد الانتقال من انترلاكن تسكن في كونستانس الالمانيه قريبه من زيورخ وهادية ورخيصه وتقدر تزور من خلالها اليورب بارك لا تفوتك ساعتين وهي تصلح للعرسان الشباب انواع الفله والضحك بس اهم شيء لا يكون وقتها عندكم بيبي بالطريق ولكن مشكلة زيورخ قليل من الخطوط تروح لها تحياتي

فيصل 3
مبروك العرس ياعريس
واحسن شي انك فكرت بأستأجار سيارة لان بدونها ماراح تستمتع بالرحلة
انا بقولك عن فندق غلوريا للاني سكنت فيه
اولا تراه بعيد شوي عن انترلاكن وهو فوق الجبل والطريق اليه جبلي بس بما ان معاك سياره مش مهم الطريق اول يوم بتحس فيه بس بعد يومين بتتعود عليه و بيصير لك ممتع خاصه اني شفت كذا مره الغزلان في الليل بالطريق للفندق
عليه طلة على البحيره ترد الروح وشرحه ومع البلكونه وكوب كوفي ياسلام ولا احلى لكن يعيبه اثاثة شوي قديم والسرير يصرصر الخشب
الفطور بسيط وفرش
انترنت مجاني وتدخل بجهاز واحد فقط
العاملين بالفندق انا شخصياً كونت معاهم صداقه وتبادل ايميلات الى اليوم لانهم جدا ودودين ومتعاونين وخدومين بنفس الوقت ولو فكرت اسكن مرة ثانيه بنفس الفندق ابسكن علشانهم
وهذه صورة للغرفه

وبالنسبه للفيزا لاتشيل هم اهم شي ان تكون ارقامها بارزة ويفضل الجديده ام شريحه اامن واحسن لانها برقم سري
واي سؤال ابشر ومانقصر ان شاء الله كلنا

daayem1
يعطيك العافيه حبيبي بس كم تبعد كونستانس عن انترلاكن وزيورخ

فارس الجبيل
الله يبارك بايامك ياعسل
مادامك سكنت فيه بسئلك هل فيه مكيف وهل تفضل السكن فيه ولا وسط انترلاكن
وربي يعطيك الف عافيه يالغالي

فيصل 3
لا بدون تكييف بصراحه ماانتبهت بس اعتقد بدون تكييف
واصلاً مايحتاج تكييف لان الجو فوق بارد كانت العظمى في حدود 12 -14 درجه والصغرى الفجر او بالليل من 8 - 4 درجات يعني بررد الجو مره حلو
وبالنسبه لي أفضل السكن بوسط انترلاكن
والله يعافيك واي سؤال انا حاضر انا لسه راجع من سويسرا مالي اسبوعين

فيصل 3
كونستانس تاتي بعد زيورخ بساعه وزيورخ تبعد عن انترلاكن ساعتين وودي لو تستخدم خرائط قوقل راح تستفيد كثير واحب انبهك ان سويسرا اصبحت غاليه جدا خصوصا بعد ارتفاع سعر الفرنك واذا بغيت مخطط اقتصادي بديل انا تحت امرك