السلام عليكم ورحمة الله وبركاته
انا بالأمس ولله الحمد رديت الديرة من بعد رحلة اسبوع
شملت الدمام ثم مكة ثم جدة ثم البحرين
الشاهد
انا قمت بحجز عن طريق أحدى الشركات الوسيطة في مكة
غرفتين دبل في فندق جراند زمزم
وللأسف ما كنت متوقع هذا المستوى من هذا الفندق
في البداية كانت مع موظفيين الاستقبال الي بعضهم يحتاج يتعامل الادب
في التعامل مع الناس فضلا مع العملاء
وللأمانة البعض الآخر محترم ومؤدب
واستلمنا الغرف
غرفة 947 زينة بس مو بمستوى الخمس 5 نجوم حدها 3 او اقل
والغرفة المريعة الي انا سكنتها 948
اسوء غرفة شفتها في حياتي
الغرفيتن الارضيات قذرة
غرفتي
الحمام صغير جدا جدا جدا "اعزكم الله"
وتطلع منه ريحة المجاري "وانتوا بكرامة"
والتليفون خربان يعني اي شي كنت ابيه لازم انزل الاستقبال وانتظر بالدور
والسيف بوكس مقفولة
نزلت 4 مرات عشان هذه المشاكل
الحمام جو اكثر من مرة ونظفوه
والتليفون ثاني يوم يلة سووه
والسيف بوكس تاخروو على ما افتحوه
باختصار
انا هذه كانت اول مرة اسكن فيه
وان شاء الله رح تكون الاخيرة
يمكن غيري سكن فيه وشاف انه زين
وهذا شي وارد
بس انا ذكرت ارقام الغرف
فياريت اذا بتسكنون
تبعدون عنها
وخاصة الغرفة 948
ارجع للشركة الوسيطة للحجز
بدت المشكلة من وصلت
موظف الاستقبال قال لي حجزك ليلتين
وانا حاجز 3 ليال !!
ادق على الشركة يقولي مبين عندنا ليلتين
اقولها انا مكلم أبو فلان من شركتكم ومتفق معها على 3 ليال
قالي اسكن وباجر نحلها لك
المراد سكنت
وثاني يوم ادق على الي متفق معها ما يرد
ادق على احد موظفينه يرد
قلت له حليت المشكلة؟
يقولي لأ!!
المراد الموضوع مر على خيرة
دقيت عليه قلت له تعال بعطيك حساب الليلة الثانية
لأن دافع فلوس ليلة
وباللوبي قعدت مع موظف الشركة وخليته يشوف المسج
الي امطرشه لهم في كل معلومات الحجز
واني طالب 3 ليال مو ليلتين
جان يقول هذا بسبب موظف جديد
غلطة موظف جديد يبوني انا ادفع ثمنها!!
ثاني يوم لي بالفندق طرت لشركة الطيران وجدمت حجزي
وتركت الفندق ورحت جدة وسكنت في شقق المانع الي بحي السلامة
الي اشهد لها انها ابرك بمليون مرة من سيء الذكر فندق زمزم
والشركة دقيت على مديرهم ووجهت له كلام شديد
يمكن البعض رح يتسأل شنو الشركة
الشركة أكثر شركة تم مدحها بالمنتدى
ورح تلقون اسمها في ردود الأخت أم هلالة
وهذا كل الي عندي وسامحوني على الاطالة
وتقبل الله طاعتنا اجمعين