بمشيها
05-12-2022 - 06:01 am
بلحظة منحوسه وأنا جالس أخطط لرحلتي عسى الله لا يعيدها جاني ذاك الشيطان ويزن على راسي
يقولي خلك ذكي ياولد واطلع اتمشى الحين قبل زحمة الناس وغلى الأسعار
العالم منشغله باعمالها واختباراتها إلا الفاضي اللي زيك ( اكتشفت بعدين انهم ياكثرهم )
المهم ناديت المره جعلها للجنة وقلت لها وش رايك يم يوسف نسافر بكره للباحة وابها وذيك الديار
قالت شورك وهداية الله ( ما درت انه شور ابليس ولا ما مشت )
المهم مشينا من ينبع الى الباحه مشوار واحد
سمعت عن الطريق السياحي واخذته
كان روعه ويسلي الطفشان بس يبغاله شوية حذر
وصلنا الباحه على العصر و مباشرة رحنا رغدان
جيت للبوابة الرئسية إلا ذيك قطع الرصيف اللي ما تشوف الغابه من وراها
والابواب مقفلة بالسلاسل
قلت يمكن انهم ساجنين القرود لسبب ما اعرفه
بس بعدين سألت وقالولي انها ما تفتح غير نهاية الاسبوع
طيب ليش كذا ما لقيت رد
لقطت وجهي وديورت على الباحه
رحت لملاهي الشفا
فيه ناس بس الملاهي ما تفتح النفس
لدرجة ان فيه ألعاب جدي كان يلعب فيها ( عدوها )
بيّت ليلتي ومن الصباح جهزت اغراض الطلعة
والوجهه على الشلال اللي في قرية خيره
والوصف للي ما يعرفه هذا يجي بعد مستشفى الملك فهد بثلاث كيلو أو أقل على اليمين
هذا المكان خرافي
شلال يجري وغدير وش كبره وغابات تغطس فيها ما أحد يشوفك
المهم إن شور ابليس ما انتهى
قال ياولد انت وش تبغى بالباحه
رغدان ومقفلة وملاهي الشفا رحت لها أجل وش مقعدك هاه !!
وبعد الوزوزه قررت إني اروح أبها وأمر غابة السكران وأكيف فيها ( قهوة بدو بس والله العظيم )
بيت ليلتي بالسكران أو الشكران ما تفرق ( جت على ثلاث نقط )
ومن الصباح دقيت سلف على ابها
الطريق جداً خطير من كثر الحفريات والتحويلات
نصيحة لا أحد يمشيه بالليل
وصلت لأبها وتعديت للسوده
استأجرت شقه غرفتين وصاله ب 150 ريال الله يديم الرخص
ورحت للتلفريك وتلفركنا ورجعنا للغابات وتغدينا وجلسنا حد المغرب
قشينا عفشنا ورحنا ندور الملاهي
ماسكه من أمس عليها
سمعت بملاهي أبها الجديده وقلت يالله نمشيلها لا صارت قريبه منا
دخلت بوابة المنتجع ولفيت على الألعاب ولن ما عندك أحد كمان مقفلة
قلت هذا اولها اجل كيف تاليها
ديورت على ابها أدور على ملاهي حد ما وصلت حديقة السلام
وابشركم طلعت فاتحة وجلسنا فيها حد ما طاب راس ام العيال
في اليوم الثاني قلنا بنروح منتزه الفرعا أو القرعا ( كما يحلو للبعض تسميته )
ولحد الحين ما فهمت ليش زودوا نقطه على الفاء ( ليش السرف )
وصلنا الفراعا بس طلعت مفاجأة وزارة السياحة رعاها الله
المنتزه مقفل وما يفتح الا نهاية الاسبوع
طيب ومنتزه المسقى ؟
كمان نفس الدوام
يعني سوا سوا رغدان ؟؟؟
يس سوا سوا رغدان
بالعربي لقط وجهك وارجع دربك
طليت على يساري ببليس بتفل بوجهه
قال أنا مالي ذنب
أتفل بوجه اللي قفلها بوجهك
قلت ولله انك صادق
بس وينهم ..
رجعت على أبها و حطيتلي برنامج لمدة اسبوع حد ما تحن علينا سياحة بقعى و تفتح المنتزهات
والبرنامج كالتالي
الشقة - السوده - ملاهي السلام - الشقة ------
يتخللها بعض الفرفره بالأسواق
رجاءاً لا أحد يلطش البرنامج ويقول أنه هو اللي جابه
تراني تعبت فيه
الحين البرنامج خلص بس بعد أيش
خلصت الفلوس
ونازل بكره على ينبع
وهذا مسلسلي مع السياحة الداخلية عسى الله لا يعيدها من سياحة
ابليس قام يبربر ويقول :
السياحة الداخلية أن تكون داخل المنتزهات
والسياحة الخارجية أن تكون خارج المنتزهات
ومن هذا المنطلق فإن هيئة السياحة تشجع السياحة الخارجية
أليس كذلك !!
قلت له أحسنت
وبما أنه كانت سياحتي خارج المنتزهات فإن سايحتي كانت خارجية
أليس كذلك !!
قال : نعم ويجب عليك أن تفرح لأنني سفرتك سياحة خارجية من غير جواز
قلت له صدقت عليك لعنة الله
ابتسم قليلاً ثم قال لي نتقابل في ينبع بعد حين .
قلت له ؟ طس
ماعليه تعيش وتاخذ غيرها بس اهم شي استمتعتوا بأجواء ابها وافتكيتوا من الحر واللي اهم العيال غيروا جو والله يخليك لهم ان شاء الله