السلام عليكم ورحمة الله وبركاته ..
الموضوع طرحته لكثرة اسئله وقلق العوائل وكيف يحجز والاسعار و وحطيته من واقع تجربه
طبعاً بخصوص شهر العسل ...اللي هو من 21/4 الى 6/5 والايام الفعليه 15 يوم
طبعاً ضبت لي برنامج بمساعدة بعض الاخوان .ومن ضمنهم ام عزيز
وتكون حلو التكلفه تكون واقعيه , واللي نافعني اني سبق ورحت لها .
طبعأ بعد مانسقت مكان السكن اكون خلصت من اهم جزء بالسفره .
وتعرفون العريس فاضي مشغول .. واذا قرب العرس مشغول يعني يادوب تلحق عمرك ..
فقررت ادور على المكاتب واحط عند كل مكتب {برنامجي }واشوف اسعار وتفاصيل السكن والتذاكر والموصلات
ايوه حجزت تذاكري ب 2650 لشخص الواحد ko ع خطوط الامارات كا اول خطوه وقبلها بفتره تكون ارخص بس للاسف يوم حجزت تفاجئة ان الخطوط السعوديه فل لمدة اسبوع والقطريه والاماراتيه شبه فل
طولت عليكم ولا عطيتكم الزبده
المكاتب بالرياض ارخص شي كان 11300الاف ريال تقرباً بذكر العيوب والمميزات واللي تشمل وماتشمل
المميزات
1- انه قص لي التذاكر بسعر رخيص جداً 5300 بنسبه لفري ع المكاتب.
2-عموم الحجوزات مضمونه وشامله الضرايب ويعطيك اياها بعد دفعك للعربون ب 5 ساعات
3- في حال صار خلاف ما حجزت عندك حالتين أ-تدق عليه او الوكيل بجاكرتا ب-ترجع السعوديه وتتوطا في بطنه
عيوبه
1- ما يوفر السواق الا وصولك من المطار للفندق
2-تذاكر الطيران بالي يحجزها بسعر لحاله
3-بالي كل المكاتب بالرياض مايعطيك البوكيج كامل لزم يحط شي من راسه ويقولك ماعندي الا هذا او سعر خيالي يعني اليوم الواحد لسكن يطلع عليك 850 ريال
4- الدفع مقدم قبل السفره كامل المبلغ .
5-ماتقدر تغير او تلغي يوم او تزود يوم في حال زوت راح عليك حجزك في المكان الثاني
وصلني اليوم من مكتب في بونشاك عرض تفصيلي للبرنامج حقي والسعر اللي وصلي , وهذا ارخص عرض
ولا اوصيكم اذا في شي غالي عن سعره بزياده
البرنامج كما يلى :
فندق ها ريس بجاكرتا من 21 الى 23 ابريل ليلتين = 918ريال
منتجع جادول فلدج فيلا غرفه واحده من 23 الى 25 ابريل = 1600 ريال
فلل كوتا بونقا من 25 الى 30 ابريل خمس ليالى = 1595 ريال
السائق مع السياره شامل كل شى من 21 الى 30من المطار الى
المطار جاكرتا -بنشاك -باندونق 10 ايام ×230 =2300ريال
بكج بالى : من 30 الى 3 مايو
تذكرتان ذهاب واياب جاكرتا بالى بالى جاكرتا على خطوط ليون = 1446 ريال
فلل دريم لاند فيلا غرفه واحده من 30 الى 3 مايو = 2470 ريال
السائق مع السياره شامل كل شى من المطار الى المطار اربعه ايام =680 ريال
فندق هاريس بجاكرتا غرفه من 3 الى 6 مايو ثلا ثه ليالى = 1378 ريال
الاجمالى = 12387ريال
ملحوظه:
بالنسبه لفلل دريم لاند عندهم برنامج غداء + عشاء + مساج
الخمسه ايام تكلفك = 3994 ريال اضافيه
في حال اني اضفته صار المبلغ13911 ريال سعودي من غير التذاكر
مميزاته
1- لو حدث لك لا سمح الله شي يكنون قريبن منك . { في وجود مكتب رسمي }
2-توفير كامل ماطلبته من سايق وخادمه
3- دفع جزء والباقي وقت الوصول
عيوبه
1- اقل ضمان وتخاف من شلت حزباطك ,واخرها تكون سافرت وتوهقت
2-سعره اكثر من السعوديه ب النسبه لبرنامجي انا .{ وراح نقارن الحين }
الحين بنقارن . اسمحولي طولتها .
بنقول السعوديه 6 الاف ريال كامل ماطلبت معاد السايق و بالي فندق لنهم مو متعاقدين مع منتجع الريم
سائق من المطار للمطار هذي 220*16يوم=3520 ريال
تذاكر الطيران في بالي 1440 ذهاب واياب
التذاكر الدوليه 5300
6000+3520+1440+5300=16260 {ترا بالي فندق قريب لشاطي كوتا و4 ايام وثلاث ليالي } وفطور بس
طيب خلونا الحين نحسب العرض البونشاكي
1ريال كامل ماطلبت ولا بعد هذا في حالي اني خليت بالي 5 ايام في منتجع الريم
بنقول التذاكر 5300+13911= 19211 ريال
وفي حال خليت الجدول زي ماهو
5300+12387=17687 ريال
الفرق ب القيمه ..17687-16260=1427 ريال
واذا بالعرض الثاني 19211-16260= 2951 ريال ..{مزود يوم }في الرحله
الحين نبي رايكم بالفضل والاسعار بالاول ...؟
اتمنى ان اكون طرحت موضوع قد يهم الكثير للعوائل
الشمالي