السلام عليكم عزيزي............ فينيسيا مدينه جدا جميله ليلتين الى ثلاث ليالي كافية انا زرتها هذه السنه وجلست فيها اربع ليالي الصراحة كانت زايدة يعني بالنسبة لي بما انه معاي طفل وزوجتي كانت ثلاث ليالي جدا كافيه اما بالنسبه للمولات فينيسيا ما فيها مولات .............. وفيها جزيره اسمها ليدوا تروح لها بالباص البحري رقم واحد فيها شاطئ كبير يصلح للسباحة والتمشي وعلى فكره هذي الجزيره فيها سيارات
وجزيره حلوه لهواة البحر والرياضات البحرية ..............ونشالله اني اكون فدتك بهالمشاركة

غير كذا روح لساجة سان ماركو قبل المغرب وتمشى فيها حتى يدب الليل وتعشى يها منظر الحمام والموسيقى والناس ترقص شي
رهيب جدا

يعني يومين كفاية لها و إلا 3 أيام بما إنا شخصين و ما معنا أطفال؟

f-tami
مرحبا اخوي : انا توني راجعة من فينيسيا بصراحة جدا جميلة هالمدينة ويكفيها 3او4 ايام المدينة مافيها مولات بس فيها بعض المحلات الصغيرة وفعلا اسعارها جدا مرتفعة ومثل ما تفضل اخوي وقالك عن ساحة سان ماركو اللي اهي ساحة الحمام والكافيهات عجيبة واخذ جولة بالجندول وفي رحلة الى جزيرة مورانو لصناعة الزجاج جدا حلوة واتمنى اني فدتك ورحلة موفقة

بالنسبة لساحة سان ماركوا انا ساكن في فندق اسمه كنكورديا اربع نجوم والصراحة كان يطل على ساحة سان ماركوا ومنطقة سان ماركوا هي افضل منطقة حيوية ويكفي انك تتمشى او تجلس في هالساحة
طبعا في كم فندق غير كنكورديا قريبين من الساحة بس بما اني اول مره اروح منت اشوفهم في الانترنت بعاد بس هم في الحقيقة اقرب بكثر للساحة
اما عن كم يوم يكفيك انا اشوفها 3ليالي وغيري يقول لليتين كافيه
يعني اول وثاني يوم يالله تستكشف حولين الفندق تتمشى في فينيسيا وتركب الجندول وتروح معالمها مثل جسر ريتيلو او ريتاليوا على حسب النطق وتدخل المتحف وتصعد برج سان ماركوا وتتمشى في اسواقها وتزور جزيرة مورانوا ومصانع الزجاج فيها وثالث يوم تروح لليدوا اذا تحب البحر وتستكشف الجزيره ورابع يوم اهو يوم الي بتمشي فيه يعني تكون الرحلة في متسع من الوقت يعني حرام تروح فينيسيا ويبقى شي ما تزوره ................. اذا رئي الخاص وما ادري شنوا الشباب يشورون عليك بعد وماخاب من استشار