سبحه انقطعت
27-12-2022 - 01:34 pm
السلام عليكم
الله يعافيكم ويجزاكم الجنه ساعدوني
انا ناوي اسافر إلى لندن ان شاء الله بإجازة الحج لوحدي
علماً اني طالب بالجامعه وبنفس الوقت موظف بشركه قطاع خاص
ابغى اطلع فيزا للسفر لبريطانيا ان شاء الله وناوي اسافر بشهر نوفمبر
ابغى اعرف المطلوب للتقديم علشان الفيزا
لاني مريت مكتب سياحي وقال لي واحد ولا قتنعت بكلامه
يقول لازم تشتري التذكره اول وتسوي تامين صحي - يقول حنا نسوي لك التامين من عندنا -
وغير كذا حسابك لازم يكون فيه مبلغ حوالي ال30 الف ريال !
ايه واستفسار اخر
الحين التعريف بالراتب لو كان مطلوب ؟ هل له حد معين ؟ لاني استلم 3000 ريال فقط
والسفره من حساب ابوي
هل اقدم لهم اني طالب ؟ او موظف ؟ وش رايكم
وهل الشغله معقده زي مايقولون تاشيرات امريكا ؟
الله يسعدكم قد ماتقدرون ساعدوني عسا الله يوفقكم دنيا واخره يارب
وابدعي لكم قد ماقدر برمضان للي يساعدني تكفون
ايه اخر استفسار
هل لازم اكون حاجز لسكن ؟ لاني اساساً ناوي اروح عند واحد ساكن بشيرنج هاوس يقول وفيه مكان لي يقول !
والمكتب الي مريته يقول نسوي لك فاوتشر وهمي ! :/ ماقتنعت بفكرته احس لو يدرون تصير مصيبه !
معليش اخر سؤال ادري كثرت بس الله يسعدكم مالي الا الله ثم انتم
اذا رحت اقدم الطلب حق الفيزا يشترط ان لغتي ممتازه وبيرفكت ؟
لاني اطق طق نوعاً ما يعني امشي حالي
جزاكم الله خيرا
الله يسعدكم الله يسعدكم الله يسعدكم الله يسعدكم الله يسعدكم
اذا احتجت اي مساعدة في كتابة الاسنمارة يوجد مكتب عند مكتب التأشيرات يساعدك اشوف اعلانه عند الباب كذلك يوجد احيانا اشخاص عند الباب يخدمونك في كتابة الاستمارة بمقابل.
حتى تقدر تدخل مركز التأشيرات وتسأل اي واحد من الموظفين او الموظفات البعض منهم من جنسيات عربية
الموضوع في غاية السهولة
اتمنالك التوفيق