ما شاء كل هالمواضيع ولا زلت تبحث ...؟
الاماكن السياحية المشهورة :
السودة - الحبلة - الفرعاء - المسقي - دلقان !!!! - السحاب - الواديين .....
اماكن عامة تصلح ليلا :
الجبل الاخضر - حديقة ابو خيال - حديقة الشلال - منتزة عسير الوطني .....
وكلها على الحزام الدائري
بالنسبة للسودة و السكن فيها
فالسكن متوفر وكثير و متنوع .... والاسعار انت وشطارتك
والسودة قليل يطولون فيها الناس بالسكن لبرودة جوها خصوصا من معه اطفال
رحلة موفقة بطاعة الرحمن

أهلاً وسهلاً بك في مصيف المملكة الأول وبدون منازع
ولعلك تستفيد من هذالرابط

اخوي السكن في السودة الصراحة ومن خلال مشاهدة ... عشان تسكن في مكان جيد حط في بالك أجار يومي من 550 وطالع ...الجعيثن مثال ...وهو أكثر من هذا
أنا اليوم بس نزلت من السودة لأبها ...جو السودة مهوب بارد على الأطفال كثيرا ... بالعكس مناسب جدا ..والظهر لما مايكون فيه هبوب رياح تحس بحرارة الشمس .. لكن بالليل توصل ل 15 درجة مئوية
بالنسبة للسكن مرة ثانية ... أنت بين خيارين
تدفع كثير عشان تسكن في شي محترم
تدفع قليل عشان تعاني من سكن سئ
هذا غير إن الأسعار تطلع كل يوم
الآن أنا ساكن في يومك سعيد على دائري أبها ... ب 500 ريال غرفتين وصالة ومطبخ وأعزكم الله دورتين مياة ومجلس .. في مساحة صغيرة ..وراح توصل 600 بعد يومين أو ثلاث
صديقي سكن في شقق أخرى ب 200 بوسط أبها ... طلع منها اليوم يقول لعبت بى الصوارير
أنا أرشح لك الجعيثن .. أو شيخة مثلا مع إني ما أدري عنها ..أو منتجع السودة .. القريب من التلفريك ..وهذولا أسعارهم غالية طبعا ..
بالتوفيق أخوي