انا كنت استأجر سياره دائما في اسطنبول بحكم حاجتي للتنقل بين مارتر ولاللي وعثمان بيه
بس صراحه في الثلاث سنوات الأخيره ’ استغنيت عنها نهائيا بسبب تطور المواصلات العامه
وافتتاح خطوط جديده للمترو وكذلك بسبب (( المواقف )) خصوصا في المدينه القديمه.
عموما القيادة في اسطنبول تشبه القيادة في الرياض من ناحية الفوضى والسرعه الجنونيه احيانا
ونصيحتي لك
اذا انت بتسكن في ترابيا مثلا او في ضواحي اسطنبول انصحك تستأجر سياره وتقودها بنفسك
وطبعا تحتاج قارمن واحداثيات المواقع الهامه مثل الأسواق والمولات وطبعا تطلع لكليوس والبحر
وممكن تطلع ابانت ويلوا وبورصه ...
بس اذا انت في تقسيم او سلطان احمد صراحه ما تسوى عليك غثاها
تحياتي

بن زامل 2
لا تظلم حظك ياليتهم بالسعودية يجون نصفهم والله لا فوضى ولا سرعه جنونية صحيح فيه سرعة ولكن معقولة والدليل شف الحوادث نادرة جدا جدا مع العلم ان اسطنبول فيها اكثر من مليونين سيارة
لكني اتفق معك أن التنقل بوسائل المواصلات الأخرى أفضل بكثير من الزحمات والضياع والاوتوبارك

ابو عاصم ربعنا ابشرك عقب ساهر انضبطوا في الرياض ههه
عموما اذا تبي تشوف حوادث تركيا شوف طريق مارتر المطار الصباح !!
الأتراك صحيح سواقين على مستوى بس والله عندهم سرعه وعناد مثل التنك الي عندنا وازيد
الطيبين والي سواقتهم هاديه اهل ابانت وانتاليا وكذلك طرابزون القياده فيها سهله رغم وعورة
بعض المناطق ,, بس اسطنبول زي ما نقول في نجد (( فقر وغلدمه )) يعني شين وقوي عين

شكرا لك وعسى الله يسهل الوضع ويكفينا شر الحوادث اللي حصدت ارواح المسلمين

السلام عليكم
ممكن معلومات عن البارك وساحات السيارات والدفع

القارمن في اي مكان بتوقف فيه تطلب الأوتو بارك ويوديك لأقرب مواقف سيارات

حياك اخوي ابو عاصم ومشكور لمرورك الكريم