رجة22
08-11-2022 - 01:37 am
تحية طيبة وعاطرة ع الجميع .. ورمضان مبارك عليكم جميعاً
أنا حجزت ع السعودية إلى السويد ، بمدينة اسمها قوتنبرج
المهم حجزي كذا:
الرياض > فرانكفورت : ع الخطوط السعودية، بعدين انتظار3 ساعات ترانزيت
فرانكفورت > قوتنبرج : ع اللفتهانزا
الفيزا اللي معي شنقن أخذتها من الإيطاليه ..
في مثل هالحالة : هل أدخل مطار فرانكفورت وأفيّز من عندهم؟
أو على طول أطلع بصالة مستقلة ومنها على السويد >> يعني مايسألوني عن الفيزا إلا في السويد ؟
لأني سمعت بعض الزملاء يروح دايم لامريكا من طريق اوربا يقول ولا احتاج شنقن لأني ترانزيت فهل أنا مثله ؟
آبوها ذا الديار .. لولا الحاجة مارحنا .. أشغلونا ..
معليش طولت عليكم لكن غشيم أول مرة أروح
اللي فهمت منك انو عندك فيزة الشنقن (مهم تكون متعددة) .. في هالحالة اخوي ما عندك مشكلة تقدر تدخل فيها المانيا والسويد معا بدون اي مشاكل .. بس سؤالي ليش ما تسافر على اللفتهانزا من الرياض لأنو يبدولي ارخصلك من السفر على السعودية ومن ثم المواصلة على اللفتهانزا ..
سؤالي هل تذكرتك اللي قصيتها من السعودية مذكور فيها الرياض - فرانكفورت - قتنبيرج في الحالة هذه تعتبر رحلتك ترانزيت ولا تحتاج دخول المانيا ام اذا كان عندك تذكرتين وحدة من السعودية والثانية من لوفتهانزا هنا احتمال تحتاج لختم جوازك كدخول لالمانيا (داخل المطار فقط) بهدف استلام شنطك في مطار فرانكفورت لأنك جاي على الخطوط السعودية ومواصل على اللفتهانزا بالتالي تحتاج لعمل تشييك جديد للشنط وشحنها مع اللفتهانزا ..
في كل الحالتين ما عندك مشكلة اذا كان عندك فيزة شنقن (متعددة) .. الافضل تتصل بالسعودية (واللفتهانزا كذلك) وتتأكد منهم هل عفشك سيشحن تلقائيا مع اللفتهانزا وتحتاج فقط تغيير ترانزيت بالمطار دون عبور بوابة الجوازات او انك تحتاج لختم الجواز واستلام العفش داخل مطار فرانكفورت ومواصلة الرحلة مع اللوفتهانزا ..