في احد جرب يسوق السياره من نيويورك لي كاليفورنيا

الكويت ديرتي

15-02-2022 - 08:31 am

مرحبا ... حبيت استفسر المسافه من نيويورك لي كاليفورنيا تقريبا يوم و نص متواصل .... بس في احد جرب يسوق هل مسافه و يجزئها لي ايام ؟؟؟؟
اعتقد تجربة السواقه بامريكا ممتعه جدا و احنا جربناها بس لمسافات اقصر ... في احد جرب يروح هل مسافه الطويله ؟؟
يا ريت تفيدوني اخواني

التعليقات (9)

نجمة النجوم

15-02-2022 - 11:16 am

انا بالطيارة وانهد حيلي الله يعينكم الصراحة......

فهد 2002

15-02-2022 - 12:17 pm

صراحه مشوار
تقريبا 2900 ميل 38 ساعة

monline

15-02-2022 - 01:18 pm

تقريباً 4500 كيلو - لو شباب - ما في أحلى من البر - كل يوم بمدينة لمدة 6 أيام - 750 كيلو في اليوم و لو عجبتكم مدينة تخلوها يومين - لكن عائلة تراهم مساكين يتعبون من الطريق.
و عندك أكثر من طريق رئيسي و المسافة تزيد ما تنقص - بالتوفيق عزيزي

الكويت ديرتي

15-02-2022 - 02:19 pm

نجمة النجوم
اي احنا ركبنا طياره 3 ساعات و شي و كرهنا المسافه ... ام السياره متعه الصراحه

الكويت ديرتي

15-02-2022 - 03:20 pm

فهد 2002
اي مشوار بس نجزئه ان شاءالله

الكويت ديرتي

15-02-2022 - 04:21 pm

monline
اي عارفه احنا جربنا السياقه من نيويورك لي نيو جيرسي و بعدها على فيلادلفيا و من ثم ناشفل و بعدين بيتسبيرق و بعدها بافالو ... اسبوعين افترينا هل مدن و استمتعنا و كان معانا اطفال ... بس الحد الاقصى للسواقه كان 4 لي 6 ساعات في النهار فقط ... و كنا نوقف بالطريج بالاستراحات وناسه

رحال عازب

15-02-2022 - 05:22 pm

الكويت ديرتي
أظنها أكثر بكثير من هالوقت... المسافه حد معرفتي أكثر من خمسة الأق كلم.... يعني يبي لك تفرد لها كم يوم...
ولو ودك تجرب ... أبشر بالرفيق... بس خلها السنه الجايه

eyesmax

15-02-2022 - 06:23 pm

انا افكر اني اسوق من لوس انجليس الى نيويورك ..... بس لو بسويها
بتكون رحله باتجاه واحد.. و ارجع طيارة.
ثاني شي ... بتكون رحله مطوله ... يعني اسوق 500 كلم و اوقف في اقرب مدينه و انام فيها ليلتين و اشوف الدنيا.
غير كذا مستحيل

الكويت ديرتي

15-02-2022 - 07:24 pm

انا دورت بجوجل ماب طلع لي باي كار 38 ساعه ؟؟؟
اهو يحسب الوقت متواصل بدون توقف ...
و مادري يعني الكل قاعد يخوفني من الشغله ؟؟؟ انا عندي السياره اهون من اجراءات الطيران المليقه و ليش وزن
و شيلي الاغراض و حطيهم و قصه

كاليفورنيا المسافرون العرب

في احد جرب يسوق السياره من نيويورك لي كاليفورنيا