الأخ الفاضل/ كبر الغرام
السلام عليكم ورحمة الله وبركاته
لك وحشة يا شيخ بشر كيف الدراسة معك :smartass: ، وينك فقدناك ، ماصدقت يوم شفت مشاركتك
خربش على الرحب والسعة ( يا بيه )
مرة اخرى ارحب بك اصلة عن نفسي ونيابة عن باقي الأعضاء
:icon_fara :m9:
:smile106:

الغالي صوت الارض .. والله لك وحشه ..
وشاكر لك الترحيب .. وخلني ارده لك بالحلقه الاولى من موضوع انت تذكره اكيد ..
تحياتي...

1. فهد : ترى التليفون ما يصلح ,, شد حيلك وتعال والله ما تندم ..


2. المشهد الثاني :

المشهد الأول :
اتصل خالد .. باصدقائه المتواجدين في مصر منذ اسبوع .. للسياحه خلال فصل الصيف ..
فاجابه فهد ..(( يالله وينك ورى ما تجي ليه جالس عندك في الحر .. والقرف .. تعال هنا والله فله ووناسه على كيف كيفك ))
خالد : والله يا ولد لا تهيجني ترى جاهز وما يبي لي شي .. يمكن احجز اليوم واجيلك ..
فهد : والله ما تعزم ولا انت رجال اذا ما تسويها ..
خالد : اقول بس خل عنك الكلام ولا نسيت يوم نروح للشرقيه بعد العصر الى العشاء (( مفتخر ))
والا روحتنا لدبي خميس وجمعه ..
فهد : المهم اترك عنك السوالف وتعال .. ترى الوضع هنا اوكيه .. وكل ( ... ) يسالون عنك .. واذا ما انت مصدقني كلم بعد ( 1 ) في الليل واخليهم يكلمونك
خالد : آآآآآآه ليه هالسيره .. المهم اخبار الشباب ,, واللازم منه

فهد : ترى التليفون ما يصلح ,, شد حيلك وتعال والله ما تندم ..

خالد : طيب الحين ليل (( ما رده الا الليل )) وبكره نشوف الدوام .. وبينا تلي
فهد : خلاص اوكيه .. ولا تنسى تكلم احمد , ترى مدزز ويعجبك .. وكل حياته قدام .. ما يعرف قولة ورا .. ولو اني اعرفك راعي كلام ليل ,, الليله المدام تفر راسك على موجة ابها ومكه وتطنش .. بس تذكر انت الخسران .. الوضع هنا اوكيه ..

المشهد الثاني :

وفي صباح الغد ( الساعه 8 صباحاً ) خالد يستيقظ للذهاب الى العمل .. يتصل باحمد في الطريق .. ويستفسر عن اخباره .. طبعاً احمد طالب جامعي وعاطل صيفاً ,, لذلك فهو تلقى الاتصال وهو لم ينم بعد .. وفي طريقه الى المنزل بعد ليله ساخنه بلقاءات البلاي ستيشن ..
خالد : هلا ابو حميد .. احمد : هلا والله
خالد : اخبارك واخبار الصيف معك ..
احمد : ابد والله سهر في الليل ونوم في النهار .. وما لقاها الا الشباب في القاهره .. الا لو انا وياك الحين في الماريوت .. ولا شقة ام بطه في المهندسين مو احسن ..
خالد : انت تقرا افكاري انا متصل اساساً اشوف وضعك .. يمدي دزه اليوم ولا لا ..
احمد : اقول اطلع من راسي وبلا تهييج على الفاضي .. وعلى فكره انا مطفر و ع الحديده .. ويمكن ابيعها اليوم عشان اشتري دخان
خالد : والله اتكلم جد لو تعزم نخت اربع خمس ايام .. ونرجع ثانيه ,, هناك الشباب كلهم .. والوضع على راي فهد اوكيه
احمد : (( تعجبه الفكره )) والله ,, طيب والحجز والفندق والامور هذي كلها ,, ترى اتكلم جد انا مطفر ..
خالد: ما عليك اذا معزم .. انس الموضوع وقابلني الساعه 1.30 الظهر في المطار ((بس لا تروح عليك نومه )) ولا تجيب غير تذكرتك وثيابك ...
((احمد مؤكداً العرض)) .. يعني محفول مكفول؟؟ ***************
خالد : افا عليك .. انت ولو تبي اثنين معك .. خلاص يالله نم عشان ما تفوتنا الرحله وانا برتب كل شي ..
احمد : تفوتنا .. الظاهر ما تدري اني بروح اجلس لك في المطار .. بعدين انا رايح انام في امان الله وتطلعلي بالقاهره مره واحده .. بس يالله تستاهل (( بدت الحركات يعني مسوي ما وده ))
الاخوه الاعضاء .. هذا الجزء الاول الذي اتمنى ان يعجبكم .. من وضع اغلب رحلات الشباب وكيف انهم قرروا الرحله في سويعات .. وبدون اي خطط .. الجزء الثاني نشاهد فيه كيف استطاع خالد الحصول على اجازه وسيناريو الحضور للمطار .. واتمنى ان يعجبكم ...
اعتذر مره اخرى عن الاسلوب الركيك ..و بلادة التعبير ..ومصطلحات لا يفترض استخدامها.. ولكن تعمدت ان يكون الحوار بلغة الفوضى كما هم شخصيات الحوار وكما هو موضوعه .. ليكون اقرب للواقع ..
تحياتي للجميع واسف مره اخرى .. والى لقاء قريب مع الجزء الثاني باذن الله ..