حياك الله
اعتقد يصير تدخل قطر بالبطاقة المدنيه بس لو سعودي مااظن
وبالنسبة للفندق مااعرف الاسعار بس اللي اعرفه انه في قلب السوق يعني أول ماتطلع منه تلقى نفسك في السوق ومايحتاي سيارة
بالنسبة للشيك أوت ماادري الساعه كم يطلعونكم بس المعروف ان الفنادق تخلي الغرف الساعه وحده لكن اعتقد بيكونون متساهلين وبيخلونك تقعد اكثر
وان شاء الله بيعجبك سوق واقف بس اللي مب عاجبك الجو الحار والرطوبه وبيخرب عليك السفره بكبرها
لان سوق واقف مافيه تكييف ومب قادر تمشي خطوتين على بعضها في هالحر

حياك الله في بلادك قطر
ممكن تدخل قطر بل بطاقه المومغنطه الجديده ذات الشريحه المعدنيه
فندق سوق واقف ممتاز وحلو وراقي وممكن تستفسر عن الاسعار عن طريق الاتصال فيهم بحكم الاسعاس مش ثابته
وهاذا موقعهم على الانترنت
:: دوحة قطر :: فندق سوق واقف http://www.hotelsouqwaqif.com/ar/contact.html
وبخصوص الاماكن السياحيه تحتاج الي سياره عشان في اماكن بعيده شوي عن سوق واقف
وقت الشيك اوت الساعه 12 الضهر بس حتى لو حبيت تمدد ممكن ماتقدر عشان هوم مرتبطين في حجوزات ثانيه
ايذا ماعندهم حجوزات ممكن تمدد يعني لاتعتمد انك تقدر تمدد او لا و الافضل انك تسألهم اول ماتوصل اقدر امدد او لا
وبيقولولك ايذا اوكي تقدر ولا لا من بعد مايراجعون حجوزاتهم
واي خدمه احنا حاضرين الغالي

وهو هل يلزم جواز سفر للدخول لقطر أو البطاقة المدنية تكفي ؟
لا يصير تدخل بالبطاقه الذكيه او الشخصيه الي انتو تسمونها
وحبيت أسأل عن فندق واقف بكم سعر الليلة ؟
والله ماعندي خبر
وهل المناطق السياحية حول الفندق تحتاج سيارة أم لا ؟
نعم تحتاج مثل : فيلاجيو مول+جزيرة الؤلؤه+سيتي سنتر هذولا كلهم يحتاجون ماعدا شي واحد هو المتحف الاسلامي
لانني قرأت أنها قريبة
لو قارنتا مع مدن كبيره تحس المشاوير ولا شي بس اخوي ماتعتبر قريبه الي تقدر تمشي فيها لا بعيده شوي ولاتنسى جو قطر رطب بعض الايام يعني مايساعد انك تمشي من مكان لين الثاني
ونظام الفنادق متى موعد الخروج من الفندق بمعنى لو افترضنا ان العودة ستكون يوم الجمعة متى بالتحديد في أي وقت من الجمعه يقولون لي اما ان تدفع لليوم التالي أو أخلي الغرفة
الجيك اوت الساعه 12 مثل ما قال اخوي
واذا تبي اي شي انا حاظر حتى لو تبي اسويلك جدول سياحي انا حاظر

النوريq
تسلم اخوي على الافادة
وبخصوص الحر نتحمل بس المهم نشوف شي يونس ذيك المنطقة (واقف) على ماسمعت وماشفت بالصور خيال

qatar3333
لكن على كلام الاخ الكريم انالسعوديين مايدخلون بالبطاقة
وخشيت موقع الفندق
وألف ألف شكرأخوي الكريم

the ro0ok
جزاك الله كل خير اخوي

اخوي , ممكن لمواطني المملكة العربية السعودية الدخول لدولة قطر بالبطاقة الشخصية ذات الشريحة الممغنطة (نفس شريحة الجوال) , وان شاء الله باقي الأسئلة اجابوا عنها الأعضاء الله يجزيهم خير , واي خدمة ابشر بها .