فوفيتا (معرفك خاص جدا لي

فندق سيء بالنسبة لي لسببين
لأنك تحسين نفسك داخل المحطة ازعاج و حر
والشيء الثاني ان المنطقة جدا مزدحمة بأشكال غريبة ايضا بسبب المحطة
ويبعد 700 متر (10 دقائق مشي للرجال و 15 للنساء)
انصحك الابتعاد عنه وعن هذي المنطقة
البديل احد فنادق هذي المجموعة
http://www.manotel.com/
وارشح لك رويال - Royal
ورحلة سعيدة يافوفيتا

فوفيتا (معرفك خاص جدا لي
الله مير يسلمك بس ليه خاص يعني
بالنسبه لفندق رويال واللي عطيتني بالموقع .. المشكله اني انا احجز فنادقي عن طريق شركه و الفنادق اللي قلتها كلها مو تبعهم ..
انا كنت ابي بريستول وقال لي مافيه امكانيه و مدح لي كورنافين و مددري ايش ماونتن نسيت اسمه !!
طيب وش رايك بفندق سوفتيل ؟ او رمادا ؟

على فكره انا بقعد بجنيف ليلتين و منفصلات ان شاءالله
يعني بوصل لجنيف و بقعد ليله بس و من بكرا بمشي على انترلاكن و بقعد 3 ليالي ان شاءالله و برجع جنيف ليله وحده بس
وماودي اخذ فندق بعيد لان مارح نتنقل نبي شي قريب من بحيرتهم
وبسألك ايش الطرق اللي اقدر اروح بها لانترلاكن غير القطار
هل فيه باصات تودي ؟ او اخلي الفندق يدبرون لي سياره ؟

fofita
هلا بك والله
خاص لانه نفس نك زوجتي مع اختلاف الحرف قبل الاخير
ورحلة انترلاكن مافي اسهل منها عن طريق محطة القطار مع تغيير واحد في بيرن والقطارات كل نصف ساعة تقريبا على مدار اليوم
وممكن توفر يوم وتطلعين على طول لانترلاكن يوم الوصول لان الرحلة ليست بالبعيدة فقط ساعتين و45 دقيقة
ولابد ان تحددين اي محطة هناك لانه فيه غربية وشرقية ويعتمد هذا على فندقكم
نرجع لفندق جنيف الرامادا والسوفيتيل ماينفعون اصرفي النظر عنهم
الفندق اللي تقصدينه وذكره لكم المكتب ممكن يكون هو نفسه اللي وضعت له الرابط وهو مونتيل
وهي شركة تضم 5 فنادق منها الرويال وابسوم وايتوال وكلبنق....
اذا ليليه وحده ممكن تمشون الحال في الكورنفين
ورحلة سعيدة

اها اوكي الله يخليكم لبعض
تذكرت اسمه ايتوال ماونتن هو نفسه اللي انت قلت عليه ؟
و انا ان شاءالله بوصل جنيف من باريس يعني تقريبا 6 ساعات بالسياره احس تعب علينا نزودها ساعتين وشوي
احسن لو نريح

fofita
والله يخلي لك من تحبين
ولو ترك لي الخيار كان خليت خط سير الرحلة
باريس
غوست عن طريق ستراسبورق
انترلاكن
جنيف ومنها العودة
صحيح 555كم ومشوار حلو وطريق حافظه شبر شبر يجيب النوم في اوله الى ماتوصلون لعقبة الجورا ساعتين قبل سويسرا
وغريبه دام معكم السيارة لا تسلمونها وبتلوا الى حدود جنيف واسكونا في تواريه مثلا بربع السعر وانظف واحلى واامن من الكورنفين
والفندق اللي تقولين عليه من افضل فنادق جنيف واحلاها ومن نفس المجموعة اللي وضعت لك رابطها
شوفي سعره من الموقع وقارنيه بسعر المكتب
اذا حابه اسم الشقق فهي بزنس بارك والثاني ريزدهوم وكلها لها تقارير مصورة في الدليل
ورحلة سعيدة

لا حنا مامعنا سياره ترا مامعنا احد يسوق اصلا بس شايله هم الطريق من باريس لجنيف و من جنيف لانترلاكن لان ماستاجرنا سياره وماعرف ايش بنسوي !
و حنا عودتنا للسعوديه من باريس و ذهابنا لباريس
انت ايش رايك اطلب سياره بسواق ؟ كم ممكن تكلفنا حنا 8 اشخاص
ولا اسأل الفندق
و خلاص يعني اوافق على ايتوال ماونتن ؟ الشركه عطتني اياه بسعر 700 للغرفه

fofita
0وشو ريال اذا ريال فسعر ممتاز وابيكي تعطيني اسم الفندق انقلش ليطمئن قلبي
جنيف انترلاكن سيارة بسواق طبعا لا مره ماينفع
القطار من باريس لجنيف اقل من 3 ساعات
ودام اليوم رايح رايح كملوا الى انترلاكن بالقطار
لانك لو عرفتي ان السيارة الفان بسائق في حدود 100 كم حول جنيف تكلف 750 فرنك لليوم و 8 ساعات فقط راح تغيرين رايك
ودام انتم ناوين السفر الى انترلاكن والتجول في ربوع سويسرا فانصحك التفكير زين بموضوع شراء السويس باس من محطة جنيف وقبل الانطلاق الى انترلاكن
الباس هذا تشترينه مره وحده لكل شخص وله اسعار وانواع شارحها في تقرير خاص ومن بعد شرائه تركبين اي قطار قد ماتبين من غير عدد محدد
الباس ينباع عندنا بنقس السعر
واللي اقل من 16 مجانا تنقلاتهم داخل سويسرا
والله يبيلك تخطيط وترتيب لكل شيء
حاولي تشوفين موقعي فيه بعض النصائح والتقارير اللي ممكن تعطيكي فكره اوضح
ليلة سعيدة

واللي اقل من 16 مجانا تنقلاتهم داخل سويسرا
يعني بالقطار مجاني ؟ ولا كيف !!
انا قلت لاهلي عن القطار بس مو حابين قالو يبون يستاجرون سياره بسواق
برجع اسألهم واشوف و ابفتح الموقع حقك واشوف و شكرا تعبناك معانا