السلام عليكم ورحمة الله وبركاته مساء الخير ...حبيت اوضح لكم عن فندق كورال الاحساء ممكن يساعد اي احد فيكم في هذه البوابه وراح اتكلم بكل امانه وصدق ...اولا سبب اختياري لهذا الفندق لقربه من مستشفى الموسى وهو فعلا رائع من حيث الموقع لانه تروح للمستشفى مشي على الاقدام ..ثانيا / الفندق مصنف اربع نجوم وبكل صراحه حرام يكون اربع نجوم انا تفاجأت لما دخلت الفندق اللوبي صغير ومكتوم ولاني مضطره اخذنا ليله وحده للراحه ثالثا/ الغرف لابأس بها الارضيه وسخه فوط الحمام لها رائحه غير مستحبه مقرفه الغرفه كانت كونكت لها باب وطلبنا تغييرها وقال لنا الرسبشن لايوجد غيرها كلها كونكت فقلت ماعندي اي مشكله راح اغيرها لجناح جنييور سويت وياليتني ماغيرت والسبب اول مادخلنا الجناح وقبل في الممر رائحه غير طبيعيه تكرمون( بواليع)واكل في الخارج من الغرفه المجاوره في الارض لم يشيلو الصحون تقريبا 3ساعات لان لما دخلنا الجناح كان موجود ولما طلعنا بعد كم ساعه كان موجود والله شي عجيب.رابعا / الجناح والله العظيم ريحته غير طبيعيه قلت الله يعين وقلنا لهم جابو لنا بخاخ معطر فقط ولم يغيروا الجناح .قلت نصبر ونطلع من بكره على فندق الانتر .خامسا / البوفيه والاكل لم يعجبني كثير فقط اللي كان لذيذ البرياني وغيره ولاشي .مستوى البوفيه والجلسات متدني غير نظيف يعني مو مستوى اربع نجوم .سادسا/ سالنا عن المسبح قالوا فيه تصليحات .سابعا / نصيحه اللي يبغى النظافه وعلى مستوى لايروح له لانه في نظري كأنه شقق مفروشه المتدنيه مو فندق .ثامنا/ دائما اذا رحت للاحساء مااروح غير فندق الانتر هو الافضل على الاطلاق ..لكن حبيت فندق يكون قريب للمستشفى فجربت الكورال وهذا اخر مره اروح له .اسفه اذا طولت لكن ممكن تجربتي في هذا افندق تخدمكم .
واشكر اخوي الليث لانه ساعدني واجاب على اسألتي .
ويعطيكم الف عافيه