وصلت يوم الخميس ليلاً الساعة 11 ونصف
وكنت حاجز في فندق القرف من دلة أولاً إلى كروة حالياً
المهم السعر 450 ريال وصراحة مايستاهل أكثر من 200 ريال
لكن مكره أخاك لابطل لأني عندي رحلة يوم الجمعة الساعة 11 صباحاً
جيت للاستقبال وأعطاني مفتاح غرفتي
يوم جيت للغرفة كنت أسمع صوت التلفزيون عالي وصراحة استغربت كثير
دقيت الباب أكثر من مرة وبعدها قلت أكيد عمال النظافة تاركين التلفزيون شغال وناسينه
فتحت الباب ودخلت الغرفة وإذا قدامي واحد
طارت عيونه بي وأنا صراحة ما أدري كيف أصف شعوري حسبي الله ونعم الوكيل
رجعت للاستقبال وأكد لي إن ما فيه أحد بالغرفة
لكن أعطاني غرفة ثانية وراح هالمرة معي واحد من العمال
وللأسف هالمرة المفتاح ما فتح الغرفة
جلست على الأرض من التعب وطلبت من العامل يروح يجيب لي مفتاح شغال
دخلت الغرفة أخيراً وسألت العامل ليش هاللي صار؟؟؟؟؟؟؟؟؟
قال لي صارت قبل فترة وواحد دخل على رجل وزوجته
قلت الحمد لله موقفي أخف شوي
النكبة الثانية موظف الاستقبال كان قايل لي إن الإفطار مشمول
وهذا اكتشفته إنه كذب يوم طلبت الإفطار الصباح
قمة الاستهتار وبس
للمعلومية:

• رقم الفندق الموجود في الاستعلامات ما أحد يرد عليه
• رقم الفندق الموجود في بعض مواقع أدلة الهواتف يرد عليك بيت!

ما أدري ليش الشركة تستثمر مبالغ في شيء وأبسط الأشياء لاتهتم بها
الدرس هو:
ما عمري أروح للغرفة إلا وواحد من عمال الفندق معي وقدامي