لمحبي منطقة النايتس برج يوجد فندق جيد يقع بعد هاردز بمسافة 3-5 دقائق مشي يطل على شارع النايتس برج وقريب من الالبرت هول ..
اول مره اسكنه في هالعيد دلني عليه واحد من الربع بعد ان شكيت له ارتفاع اسعار الفنادق هالموسم بشكل جنوني ففنادق الخمس نجوم وصلت الى 400 باوند وفوق بعد ان كانت تتراوح بين 250 - 350
و الاربع نجوم لامست ال 300 - 350 بعد ان كانت بين بين ال 150 - 250 باوند
ما طول عليكم حصلت الغرفة ب 190 فقط وهو سعر جيد بصراحه
الفندق .. اللوبي والريسبشن ماله صغير وانيق والموظفين ممتازين وودودين وكانو سريعين في اجراءات الدخول ..
واذا وصلت الفندق الصبح في اي وقت قبل الساعه 2:00 مو لازم تدفع يوم كامل مثل باقي الفنادق عشان يعطونك الغرف ,, فقط ادفع 40 باوند بس عشان يجهزون لك الغرفه فورا ومايحتي تنتظر لي الساعه 2:00
الغرف وسيعة وومتازه نسبة الى الغرف في لندن والاثاث الفرش ايضا ممتاز بالنسبة للغرف الدبل اما الغرف ام سريرن اقل فخامه ولكنه ممتاز ايضا وكذلك الحمامات عزكم الله ..
كما ان نظام الفطور حلو , يحطون لك المنيو على مقبض الباب مثل( اوراق ممنوع الازعاج) تحط صح عند الاطباق اللي تبيها انت ومن معك بالغرفه وتحط لهم الساعه كم تبي الريوق وكل هذا بجنيهين فقط ..
ومن الاشيا الزينه ان الانترنت فيه ببلاش .. واجراءات الشيك اوت سريعة جدا ..
وشكرا