zadej
21-05-2022 - 01:55 pm
السلام عليكم ورحمة الله وبركاتة
ان شاء الله مسافر الى ماليزيا بعد اسبوع من الآن وجزاكم الله خير على البوابة الرائعة هذه استفدت منها الكثير اذا ممكن عندي سؤال لمن سكن في فندق داين ستي كيف نظافتة وخدماتة . دخلت لموقعهم على الانترنت وعروضهم جيدة علماً أن زوجتي وطفلتان برفقتي (وبأشد الحاجة لنصائحكم أخواني الكرام) مدة الرحلة 14 يوم مابين كوالالمبور ولنكاوي .... ولكم من الله الأجر والثواب
فنادق ماليزيا
حياك الله اخوي zadej ونورت منتداك
عاد احترت ارد في موضوعك ذا ولا الثاني اللي بنفس
العنوان والسؤال واخترت ذا لانه الاقدم وقديمك نديمك
ولو الجديد اغناك
تستاهلون والله كل خير ...ومن عيوننا وان عندكم اي
استفسار اخر ولو صفحات رصها وما تلقى الا اللي يسرك
من الجميع .
عندي استفسار ...حجزت ولاباقي ؟ ترى الفندق طيب
ونظيف وخدماته جيدة وسعره طيب ولكن عيبه في موقعه.
الظاهر انك تقصدتها ...مادام انه مايهمك الموقع عندي لك شيء
افخم واحلى واروق وناس بشوشين وخدمة على مستوى و5 نجوم
بان باسفيك هوتيل ...وسعره طيب ...لكن ان اصريت على داين
اجل توكل على الله وتراه طيب وبينه وبين البرجين 10 دقائق
وزيادة حسب الزحام ولشارعنا المزعوم مثلها من الوقت
ومستحيل تقول مشي .
تبغى شوري ادفع زود شوي وخذ ببان باسفيك وقدامك مول
واماكن تفتح النفس واخلاقهم حلوة وفطورهم ممتاز ومتعودين
على العرب .
موفق اخوي بأذن الله وربي يجعلها رحلة سعيدة
ولاتنسانا من دعواتك الصالحة والسلام عليكم