نشر في دبي

فندق تاج بالاس

ام غلا

20-07-2022 - 01:30 am

السلام عليكم ...
حابه انا وزجي نسافر الى دبي وودنا بفندق حلو وبسعر معقول ....
انا دخلت كم موقع حق الفنادق لكن مااحسن اني استفدت فقلت اسئلكم اكيد عندكم خبر عن الاسعار ...
وانا من شوي كنت اتصفح في احد المواضيع لقيت تاج بالاس 350 ريال وشامل افطار هل السعر شامل شخصين او شخص ؟؟؟
مو شرط فندق تاج بالاس ..
اي فندق وبسعر معقول لشخصن طبعاً
وتحياتي وشكري وتقديري للجميع

التعليقات (9)

ام غلا

20-07-2022 - 04:15 am

السلام عليكم انا كتبت موضوعي ولا فتحت الصفحة وان شاء الله تفتح هالصفحة معكم
انا وزوجي حابين نسافر الى دبي ..
وودنا بفندق حلو وبسعر معقول ..
وتصفحت المواضيع ولقيت تاج بالاس 350 ريال شامل الافطار ؟؟ سعر لشخص او لشخصين ؟؟
ومو شرط فندق تاج بالاس اي فندق حلو وبسعر معقول
تحياتي وتقديري

أزرق كويتي

20-07-2022 - 05:16 am

هلا اختي ام غلا
تاج بالاس مستحيل يوصل هالسعر وما اعتقد هاليومين في فندق كشخه بدبي يكون بهالسعر وتاج بالاس ليلته توصل الى 800 درهم وهو فندق اكثر من راقي وصاير بين شارع الرقه وشارع المكتوم
لو تجربين فندق رحاب روتانا فندق حلو وهادي وقريب من سيتي سنتر بس هم سعره ما يوصل 350 اكثر بشوي
اتمنى اكون فدتج بشي
تحياتي

آخر الفرسان

20-07-2022 - 06:17 am

ام غلا
الأخت الكريمة انا اخذت الفندق بحدود هذا السعر للشخصين ولكن عام 2003 !
ولااعتقد ان يقل السعر عن 1000 ريال هذه الايام !
تحياتي

ام غلا

20-07-2022 - 07:18 am

السلام عليكم
اشكركم اخواني على المرور والرد
بالنسبة لسعر تاج بالاس انا استغربت وطارت عيوني
انا رايحه قبل دبي لكن يقولون ان الاسعار الحين تغيرت ؟؟؟ يقولون مره فوق
ابي منكم فننادق حلوه
انا عارفه ان الحين مافي شي بدبي 350 ابد علشان ك>ا انا سالتكم
وفندق رحاب روتانا بكم سعره بالليلة الواحده ؟؟
تحياتي وشكري وتقديري للجميع
ومعليش على الاطالة

,gd]

20-07-2022 - 08:19 am

الاخت الكريمة انا والمدام سكنت بتاج بالاس في 15-9-1426ه بسعر 600 ريال من فرسان للسياحة , لكن كان علية عرض
وبصراحة الفندق ممتاز ويتميز بوجود ثلاث مطاعم ( فارسي , هندي, ايطالي ) والفندق ببشكل عام ممتاز ولو عندك فيزا تقدرين تحجزين من عدة مواقع احيانا ارخص من المكاتب السياحية 30% لكن الحذر من بعض المواقع.

أزرق كويتي

20-07-2022 - 09:20 am

ام غلا
اختي انا حاجر من يوم الجمعه الجاي في الرحاب روتانا يعني بالدرهم 500 درهم لليله الوحده ولو تقدرين تحجزين عن طريق النت يطلع ارخص والفندق جدا ممتاز وعائلي وهادي وتروحين سيتي سنتر مشي
جربيه وماراح تندمين
تحياتي

ام غلا

20-07-2022 - 10:21 am

السلام عليكم
مشكور اخوي ازرق كويتي يعطيك العافية ياربي
واتفقنا انا وزوجي العزيز اننا نسكن في رحاب روتانا الفضل لله ومن بعده ارائكم واراء المنتدى اللي يفيدنا بكل شي وكل ما يحتاجه المسافر ...
تحياتي وشكري وتقديري للجميع

أزرق كويتي

20-07-2022 - 11:22 am

العفو واتمنى لكم سفره سعيده

حور الإمارات

20-07-2022 - 12:23 pm

هلا اختي ام غلا ..
بالنسبة لتاج بلس الكل يمدحه .. لكن سعره اكيد اتغير ..وماعتقد تلقينه بهالسعر ..
والفنادق الرخيصة ماتصلح للعوائل.. فلو تزيدينها الى 500 درهم على الاقل عشان تحصلين فندق مناسب لكم ..مثل فندق تريدرز مثلا ..

دبي المسافرون العرب

فندق تاج بالاس