السلام عليكم ورحمة الله وبركاته
كيف حال الجميع ان شاء الله بخير ..
وكل عام وأنتم بخير بمناسبة بداية الفصل الدراسي الثاني
بكرة دووام
ندخل في صلب الموضوع
من ضمن مهرجانات الرياض كان فيه مهرجان الرياض للمأكولات وحبيت أجرب
طبعاً المهرجان ما زال قائم وراح يخلص يوم الخميس الجاي ان شاء الله يعني بتاريخ 2 فبراير
وقع الإختيار على فندق الشيراتون
وكان يقدم الأكل اليوناني
وبصراحة الأكل كان لذيذ الى أبعد حد ..
كان الإختيار موفق جدّاً ولله الحمد
خلينا الان ناخذكم بالجولة ونقول بسم الله
من الخارج
مدخل الشيراتون
من داخل الشيراتون
واحنا متوجهين على المطعم واجهنا هذا الإعلان
وبعدها استقبلنا هالأخ حسبته آدمي طلع من ضمن الإعلان واللوحة
بعدين دخلنا على المطعم
وهذا المكان اللي في الصورة كان في الوسط وحواليه طاولات مفتوحة وفيه طاولات مغلقة
وبما اننا عائلة أخذنا طاولة مغلقة .. وهذه طاولتنا
المقبلات :
كانت جدّاً لذيذة وأشكال وألوان واخذنا من كل شيء وبصراحة كانت غير شكل
بسم الله
هذه اطباق سلطتنا
وهذا طبق شوربة والله من ألذ واجمل الشوربات اللي ذقتها في حياتي
هذه معجنات بس ما أخذنا منها
وهذا سبرنق رول
وهذه أنواع من الجبن والبسكويت حاطينه على جنب ما أدري ليه
نجي للاطباق الرئيسية
فيه بوفيه مفتوح وفيه شيف واقف يسوي مكرونة تختار نوع المكرونة ونوع الصلصة او الصوص اللي تبيه عليها
اعجبني الخضار اللي حاطه وراه
الشيف وهو يجهز الطبق
وهذه اصناف الاكل الرئيسية
حبيت اصورها للي حاب يعرف وش نوعية أكلهم
هذه اطباق اكلنا ما أخذنا الا مكرونة ودجاج . كثرنا من المقبلات الحمدلله وحبينا نخلي مكان للحلى
والحين نجي للحلى اللي كان رائع
هذه طبق من الحلوو اللي أخذنا
تقييمي للخدمة والأكل
الخدمة : 9 / 10
الأكل : 10 / 10
النظافة : 10 / 10
الجو العام : 10 / 10
ان شاء الله اعجبكم ..
ونلاقيكم ان شاء الله على خير
تحياتي