اهلا وسهلا فيك اختي الكريمة new mind
فندق الشيراتون هو من اجمل الفنادق والمنتجعات المتواجده في انطاليا على شاطيء كونيالتي حقيقة اطلالة على الشاطيء لها نكهه اخرى . واذا كان بالامكان عند الحجز ان تطلبوا ان يكون حجزكم مايسمونه الاتراك ( تام ) او بالانجليزي ( all inclusive ) يعني شامل افطار وغداء وعشاء بيكون افضل واوفر لكم . اضافه الى استخدام بعض مرافق الفندق مثل الحمام التركي شامله سعر الليله .
بالنسبة للمواصلات من والى المنتجع اقترح بأن تاخذوا تاكسي من المطار الى المنتجع لانه مو مره بعيد تقريبا 10 كيلو . ولا اعتقد ان المبلغ يتجاوز ال 25 ليره .
معلومات على السريع حول هذا المنتجع الجميل .
اتمنى تكون معلوماتي واضحه ولأي استفسارات اخرى انا مستعد للاجابة عليها
تحياتي لك

مشكور اخوي ما قصرت بس حبيت اسأل جنبه كوفي او مطاعم او منتزه
تعبناك معانا وجزاك الله خير

هلا بك اختي
انا مع الاخ ابو تركي انك تحجزين في الفندق all inclusive لان انطاليا تفتقر للمطاعم يعني اغليها مطاعم تابعة للفنادق او تكون خفايف وكفيهات
وبالنسبه للاماكن السياحيه في انطايا فهي كثير ولكنها متقاربه من حيث الطبيعة

• شلالات الدودان ( حلوه جدا وهي عبارة عن عدة شلالات لكن فيهم واحد كبيروتقدرين توقفين تحت مصب الشلال بمكان مثل المغاره)
• محمية كورشينيلو (تحسين انك برحلة وسط الغابات صحيح متعبه لكنها ممتعه )
• رحلات جبال التورس (وهي رحلات سفاري وماعتقد تنفع للاطفال )
• شلالات المنفقات ( شلال عجيب واكثر من رائع وربي ماتملين من شكله احسه غير باقي الشلالات وفيه مككان مخصص وآمن تقدرين توقفين فيه ويصير مويه الشلال تجري من تحتك )
• جبل كانيون green canuon ( يطل على سد كبير مره وبحيره كبيره جدا يعني تروحين لقمة الجبل وتوفين البحيره من الاسفل صراحة قد مالمنظر ممتع قد ماهو مخيف نوعا ما والجو ياسلام عليه )
• البازار ( تندهشين من الاسعار الي فيه وكاسري البياعين على كيفك )
• التلفريك ( صراحة ماعرف وش اسم المنطقة الي هو فيه بس حنا اخذنا تقريبا ساعه على ماوصلنا لمحطة التلفريك بعدين ركبناه وجلسنا 20 دقيقه ووصلنا لاعلى قمة الجبل وكان منظر جميل جدا وفيه كوفي فوق و المكان حلو للتصوير والجو جميل مع هواء بارد )
• مدينة كيمر (قريبه جدا ورائعه وساحره بشواطئها وحلو تاخذين فيها جوله بالقارب وهي اغلبها منتجعات)
• مدينة قونيه ( تشبه مدينة كيمر )
• الكورنيش ( مدري وش يسمونه صراحه بس كان جدا حلو ونظيف ومليان كوفي شوب حلو للجلسة والروقان )

اتمنى اكون افدتك باللي تبينه : )