الملاح
10-06-2022 - 12:05 pm
أولا كل عام و الاخوه الاعضاء و الزوار بخير .. و تقبل الله طاعتكم جميعا ..
ما كذب من قال جدة غير .. جدة المدينه الساحليه الجميله المزدحمه اللي كل يوم يمر عليك فيها ودك انه يتكرر خصوصا اذا كنت زائر له .. في الحقيقه كانت اخر زياره لي لجدة عام 98 قبل ازورها للمره الثانيه السنه هذي .. و الصدق ينقال جدة تغيرت الى الاحسن روعه في كل شىء خصوصا البيك ( ليتهم يجبونه عندنا الشرقيه بس ) ..و اللي زاد الزياره روعه و جمال التوفيق في اختيار السكن المناسب اللي كان فندق البلاد الواقع في شارع الكورنيش القريب جدا جدا من شارع حراء اللي اغلبه مطاعم .. و الشوارع الاخره الرئسيه .. في الحقيقه ما اقدر اوصف لكم مدى روعه و هدوئ هذا الفندق .. و الخدمة في شىء جدا راقي و الغرفة كانت مره مستوى و أنيقه و نظيفه لدرجه الواحد يحس انه في بيته ..اتوقع ان الاشخاص اللي يعانون من صعوبه في النوم حين تغير المكان ما راح يواجهون المشكله هذي ابد .. قضيه في الفندق ليلتين و كان سعر الليله 250 ريال + 15 % خدمة .. و في الحقيقة خدمتهم تستاهل أكثر ... يمكن يكون السعر مرتفع شوي بس صدقوني يستاهل قضيت ليلتين في فندق البلاد و لا أروع .. لن فندق البلاد زي جدة غير ...
فندق البلاد
http://www.albiladhotel.net
