بالضبط في النخلة جميرا
اذا كنت على شارع الشيخ زايد متجهة إلى أبوظبي تكمل سيده
وبتعدي من ابراج شارع الشيخ زايد
وبتمر على مركز الواحة (بيكون على يسارك)
وبتمر من تايمز سكوير سنتر (ايضا على يسارك)
وايضا بتمر على مول الإمارات (ايضا على يسارك)
وبعد مول الإمارات بتمر تحت جسر
وبعده بيجيك تقاطع ايضا تعبره
التقاطع اللي بعده تاخذ يمين
وفيه لوحات ارشادية مكتوب عليها النخلة جميرا
وبعد ما تاخذ يمين تكمل سيده
بتاخذ لفة (نصف دائرة) على مشروع لؤلؤة دبي وبعدها تركب الجسر القادم
على طول بيدخلك إلى جذع النخلة
وتكمل سيده وبتشوف لوحات إرشادية تدلك إلى اتلانتيس
وبتنزل بنفق وبتشوف عمرك بعد ما تطلع منه عند اتلانتيس
واذا كنت ساكن في الفندق تتجهه إلى البوابة الرئيسية وهم بيتصرفون عقب بالسياره
اما اذا كنت زائر
فإما انك تستخدم خدمة صف السيارات او انك تتجه إلى المواقف الخاصة بالزوار
تكمل تقريبا إلى ما بعد الفندق بيجيك دوار خذ يمين وبتكون في المواقف
ومنها توجد حافلات للنقل إلى الفندق
ان شا الله هالخريطة اتساعدك
http://www.wikimapia.org/

ولد زايد والله انك ما قصرت ...
تحياتي لكم ...

ول زايد د
الله يوفقك اخوي ولد زايد
ويرزقك من حيث لاتحتسب
س سؤال صغير
هل يوجد بالفندق فعاليات تصلح للعائله والاطفال
مثل العاب وكوفي وغيره
او بيش
وشكرا لك

اليزيد
س سؤال صغير
هل يوجد بالفندق فعاليات تصلح للعائله والاطفال
مثل العاب وكوفي وغيره
او بيش
وشكرا لك
آمين
الموجود في الفندق:
الأكوافتشير (الحديقة المائية) ويمكن الدخول منها إلى الشاطئ الخاص بالفندق
الساكنين بالفندق مجانا
اللوست شامبس مثل متحف بحري في سمك وكذا (تقريبا اكواريوم)
ايضا الساكنين بالفندق مجانا
والدولفين باي (عروض دلافين وسباحة وغوص مع الدلافين)
الساكنين بالفندق لهم خصم
والحوض الكبير مفتوح على اللوبي
وفيه مطاعم وكوفبات ولكنها غاليه
وايضا فيه سوق صغير
وهذا موقعهم الرسمي
http://www.atlantisthepalm.com/
واي استفسار انا حاضر

ولد زايد الله يعطيك العافيه بس ممكن عندي سؤال ؟ ابي اعرف موقع اتلانتس بالنسبه لقربه من ذا ووك يقولون قريب ابي اذا كان قريب صدق توصف ل لاهنت ؟؟

اسهل طريقة للوصول إلى ذا ووك
ارجع للشرح اللي شرحته لك للوصول إلى النخلة
طبعا انت على شارع الشيخ زايد
الجسر اللي بعد مول الإمارات تعديه وبيجيك تقاطع (قبل التقاطع اللي قلت لك تلف فيه للتوجه للنخلة)
تلف يمين وتكمل سيده إلى آخر الشارع
لين ما يجيك مفرق طرق اما يمين او يسار مافي غير هالإتجاهات
بتاخذ يسار
وتكمل سيده
وبتعبر من مدخل النخلة جميرا
وبتعبر من عند الرويال ميراج
وبعد الرويال ميراج بتدخل للمارينا
وبتعبر جسر
بتمشي مسافة بسيطة
وبيكون ذا ووك على يمينك
وبدايتة فندق اللي ميريديان وفي منتصفه تقريبا فندق الهيلتون
وهذي الخريطة ان شا الله تساعدك
http://www.wikimapia.org/
واي استفسار انا حاضر
وبتدخل المارينا

مشكو ور اخووي ولد زايد وماقصرت الله يعطيك العافيه بس يصلح مشي ولا لازم بسياره ؟؟؟؟

ماتوقع مشي لازم سياره طيب كم الوقت 10 دقايق كذآ تقريباً ؟

al.sfr
لا اخوي ما يصلح مشي بعيد تقريبا ساعه مشي
العفو
وانا ماسويت الا الواجب