ميزاته
1 .يبعد عن منطقة العرب ربع ساعه مشي
2. يبعد عن البرجين خمس دقايق مشي
3. الغرف كبيره جدا
4.امام الفندق مباشره محطة مترو المونيريل
5. حمام السباحه يسكر الساعه حدعش مساء وهذا مايبحث عنه الاطفال وبعكس اغلب فنادق كوالا الي تسكر مسابحها الساعه 7 مساء
عيبه الوحيد اللوبي صغير جدا
للمعلوميه الفندق عباره عن برجين واحد اسمه رينسنس والثاني نيو وارلد انصحك تاخذ الغرفه في نيو وارلد لن لوبيه فخم لكن مادري عن الغرف اذا هي نفسها الي في الرينسن ولا لا وعموما البرجين فندق واحد وتحت ادارة الماريوت
وهذي صور للفندق

تحياتي لك

وعليكم السلام,
اخوي السيريالي ماقصر وفا وكفا في رده. بالنسبه لي سكنت في الجناج الغربي او الرينسن وكنت مرتاح جدا في هذا القسم من الفندق. اذا نويت تسكن في الرنسن انصحك تحجز غرفه مطله على التوين تاور وان شاء الله بترتاح في هذا الفندق. على ما اذكر ان الفطور في هذا الفندق بالذات مشكل وممتاز.
تحياتي

اخوي السريالي
مشكور وما قصرت كفيت ووفيت
بس ربع ساعة مشي عن شارع العرب ما تحسه بعيد شوي .. معناته هو مب في منطقة العرب وهالشي بالنسبة لي سلبي
شرايك انت بهالنقطة .. وهل مميزات الفندق الأخرى تغطي على هالشي لأني بقضي فيه تقريبا 5 ليالي واكيد بكون في شارع العرب اغلب الوقب مب معقولة تاكسي بكل وقت خاصة اذا نبي نرتاح ونرجع
واتريا ردك اخوي
وتسلم مرة اخرى ونخدمك ان شاء الله بالمرات الياية

3as
مشكور اخوي على مرورك ورايك ما قصرت
وان شاء الله اذا قعدت فيه بحاول أحصل غرفة تطل عالتوينز
واهم شي الفطور ما عندنا غير الأكل بالسفر يم يم يم
تسلم اخوي

العزيز عنتر
مشكلة المسافه محلوله بالنسبه لي لان محطة المونيريل قدام الفندق مباشره وسعر التذكره ب 1.20 رينجت وكلها دقيقتين وانا بوسط منطقة العرب
واذا انت من النوع الي يحب السكن في مناطق العرب اعتقد ان فندق رينسنس مافيه ذيك الميزات الي تستاهل وتخليك تبعد عن حبايبك العرب(:
بس تذكر السعر وقارن لان اغلب الفنادق الي في منطقة العرب اسعارها دبل رينسنس
وحاضرين للطيبين