كل عام وأنتم بخير
ياليت يا شباب تشيرون علي بفندق أو فيلا يكون فيه المسبح خاص في بوكيت
حتى لو يكون مكان الفندق في شاطئ غير البتونج بس أهم شي يكون على البحر وفيه مسبح خاص
لكن تكفون فكونا من سوالف 1000 دولار وطالع يعني ياليت يكون السعر مناسب ما نبي ندمر الميزانية
لأني ابي الفندق يوم فقط وما يهمني لو يكون صاد ومختفي عن العالم
لاني باقي الأيام بكون في فندق على الباتونج لكن ودي اعيش يوم واحد في سكن فيه مسبح خاص
المشكلة انا ما ادري كم المسافة بين شاطئ الباتونج والشواطي الأخرى
انا لو ادري انها بحدود 10 - 20 كيلو متر سكنت فيها لاني اذكر اني لقيت موضوع يتكلم عن منتجع رايق وفيه مسابح خاصة وبسعر رايق بعد
يا شباب الطلب سهل وراح اختصره لكم
فندق او فيلا او سويت بمسبح خاص
يكون في بوكيت ونستطيع الذهاب اليه بالسيارة
سعره يكون مناسب
اذا ممكن يكون على البحر واذا كان صعب مو مشكلة مو لازم بحر يكفينا المسبح
ياليت اللي يشور علي بفندق يقول لي كم المسافة بينه وبين الباتونج بيتش وكم المدة اللي ممكن اوصله فيها عشان اقدر ارتب اموري واوقات الدخول والخروج من الفنادق
اذا كان هناك جزر قريبة من بوكيت لا تتعدى النصف ساعة وفيها هذي الفنادق برضو مو مشكلة
شاكر لكم تفاعلكم مقدما
وكل عام وانتم بخير