مرحبا انا سكنت بفندق بعد العوده من ميونخ في فندق اسمه سويت هوتيل siute hotel وعلى فكره احنا كنا 6 اشخاص بغرفه انا وام العيال وعيالي 4...
وهو صح3 نجوم بس ممتاز غرفة كبيره بسرير وتحت السرير الرئيسي سرير اضافي وفيه كنبه تصبح سرير
فيه تكرمون حمام وفيه مسبح منفصل،وسخان للماء وبسعر ممتاز كان ب92 يور وافطار مجاني عباره عن قهوة او شاي مع كرواسون ويقع بالضبط بالقرب من ملاهي براتر مره الشارع المقابل ومحطة الاندر قراود خطوتين امام الفندق وفيه باركات للسيارات بس تدفع وجنبه سوبرماركت ممتاز ومن المحطه اللي قدامه لشارع المشاه دقائق بالاندر قراوند وهو نظيف جدا هذا طبعا كان سنة 2006 والحين مادري شو اللي تبدل...
اما عن زيلامسي لا تستعجلون سيروا زيلامسي فيه مكتب يرمز له بحر ال i الانفرميشن يعني مكتب استعلامات وهم بيلقون لكم سكن ممتاز صدقوني انا حجزت من فينا ويم سرت زيلامسي لقيت اسعار ارخص بكثير من الحجز من مكاتب ولو كانت معاكم سياره انصحكم تسكنون ب الكابرون 6 كيلو عن زيلامسي بس لاصقه فيها ومش بعيده قد ما تتصورون المنطقه هادئة وارخص من زيلامسي...بتحصلون شقق كبيره بسعر رخيص كان في سنة 2006 لا يتجاوز 80 يورو ونازل مكتب الانفرميشن جنب الماكدونلدز اللي بزيلامسي...انا سكنت فشقق الفيتال ب 185 يورو فاليوم وسكنت بشقق فالبنايه المقابله الماكدونلدز مباشرة ب 110 يورو...
فوق المطعم الصيني اللي مقابل الماكدونلدز مباشرة.. رحلة موفقة اختي

مشكور اخوي مضيع الدرب الله يعطيك الف عافية ..
بس سؤالي الفندق الي سكنته او الشقق قريب من ساحة ستيفينز؟ واذا مو قريب كم المسافه بينهم؟
وكمان على سالفة زيلامسي كيف لما اوصل احجز؟؟ من شروط الفيزا اجيب صورة من حجوزات الفنادق؟؟

1. يعني انا مثلا حجزت من فينا مب من الامارات عشان اسكن فزيلامسي...

اختي الفندق بالاندر قراوند دقايق وانتي بساحة ستيفنز وترا الاندرقراوند متعه وبتحبونه لانه يختصر الوقت والاجر يعني اليوروات ههه
والاندر قراوند ما يضيع من تسيرون مره خلاص ما بتهدونه كل يوم بيكون هو وسيلتكم صدقيني...
وفي الفندق كان واحد تركي شاب اسمه يونس محترم ومتعاون ويساعد لابعد الحدود وسعر الفندق كان لقطه فهاذيك السنه.. وترى الساحه مب بعيده عنه بس ما جربت اروح بتاكسي عشان اعرف المسافة...اما عن زيلامسي يعني اذا وصلتو الصبح مره سيروا على طول المكتب وهو واضح وعلى الشارع العام قبل الماكدونلدز وبتلاقون عليه لوحة مكتوب عليها حرف (i) وقولوا لهم نبي ناجر سكن اذا كنتوا عائله كبيرة افضل الشقق احسن واوفر اما لو كنتوا 3 او 4 بتلاقون فندق ولا تصدقون انكم ما بتلاقون سكن مستحيل السكن متوفر وعلى فكرة هم خدومين وما بيخلونكم الا لما يسكنونكم...

يعني انا مثلا حجزت من فينا مب من الامارات عشان اسكن فزيلامسي...

و من الامارات بس حجزت في فندق هيلتون الدانوب في فيننا 4 ليالي وبس اما زيلامسي حجزت لها من فيننا وبكم ب 185 يورو فالليله واعتقدت اني ما بلاقي سكن ولا دفعت لمدة اسبوع ويوم سرت زيلامسي لقيت شقق 3 غرف وبحمامين الله يعزكم ومطبخ ب 60 65 75 يورو تخيلي...
يعني لا تستعجلون تحجزون من اي مكان بس احجزوا اول يوم او اول يومين وبعدين بتلاقون هناك او احجزو المنطقه الاولى بس وبعدين بتلاقون وبتوفرون...
حتى المكاتب اللي فزيلامسي اللي كنت اراسلهم من الامارات ولا من فيننا يقولون فل بس يوم سرت هناك تعمدت امر عليهم لقيت الاماكن موجوده بس هم يبون كاش يعني ما ينتظرون حد يحجز ويكنسل ويخسرون...
أما بالنسبه للفيزا انا افضلها تاخذونها كاحتياط ولا تستعملونها يعني لو عطيتوها الفندق ترا يحجز مبلغ التأمين وبعد ما تغادرون اذا بغيتوا استرداد المبلغ يعني تحتاجونه ما بيرجع لكم الا بعد اسبوعين ولا 20 يوم تكونون رديتوا البلاد ههه
مثل ما صار وياي فهليتون الدانوب حجزوا تأمين 900 يورو ولما دفت لهم كاش كنسلوا الحجز بس ردت الفلوس فالبطاقة بعد عودتي الامارات با سبوعين ههه
وبعدين اذا قالوا نبأ تأمين فالفندق عطوهم كاش اذا عندكم وتحاسبوا معاهم وبيرجعون الباقي اسهل بس قولوا بندفع التأمين كاش بلا بطاقه بلا هم...
واي سؤال انا حاضر اختي...

مشكور اخوي وماقصرت بصراحه وفيت وكفيت
الله يعطيك العافيه