م.عمر
26-05-2022 - 01:45 am
السلام عليكم ورحمة الله وبركاته
أخواني أتمنى منكم تفيدوني بهذا الخصوص والعشم فيكم
عندي دورة 3 أيام في الصيف يعني حأجلس 4 ليالي ويمكن أطولها إلى أسبوع في جنوب لندن في قرية اسمها Orpington في شارع اسمه Green Street Green
طبعا شفت الشارع ومكان الدورة من قوقل ماب وشفت فنادق حولينها بس مافي شي قريب يعني اروح مشي برجولي لأني ابغى اخذ اهلي
ماادري استأجر سياره ولا هناك السواقة صعبه؟
انا اللي اشوفه صعب مواقف السيارات
والاندرقرواند حوسة من المطار الى مكان الدورة يعني لازم ابدل كم مره واركب باص ومع الشنط
ايش الفنادق اللي ترشحوها لي تكون قريبة وفي مكان حلو وآمن اني اترك اهلي فيه (في حدود 100 باوند الليلة 3-4 نجوم)
انتظر ردكم
المكان خارج لندن تقريبا 30 دقيقة الى هناك بالقطار واذا بتسكن في لندن بيكون المكان بعيد عليكم
واذا تريد تروح من لندن الى هناك من محطة Victoria الى محطة Longfield اقرب شي للمكان المذكور
وبخصوص الفنادق
فنادق ينصح بها في لندن
1-Thistle Marble Arch طبعا هذا الفندق بالسنتر أوسع الغرف
2- Cumberland وهذا الفندق فى غرف وسيعه اللى على الزاويه بالسنتر
3- Hilton Metropole وهذا فى شارع أجورود بعيد عن الكسفورد
4- Royal Lancasterمقابل هايد بارك وحدائق كنسينغتون 4 نجوم
5- Millennium Mayfair في منطقة المايفير ويبعد عن الاكسفورد 500 متر 4 نجوم
6- Coruse Hyde Parkفندق مقابل الهايد بارك 4 نجوم
7- Indigoقريب من محطة Paddington وشارع العرب
8- Churchill Regency Hyattفندق 5 نجوم قريب من الاكسفورد
9- Radisson SAS Portmanفندق بين الاجول رود والاكسفورد 4 نجوم
10- TheMontcalmالفندق با جنب فندق الكمبرلاند بس هاذا افخم منه يعتبر 5 نجوم والكمبرلاند 4 نجوم
11- Shaftesbury Metropolis London Hyde Parkيبعد عن الاجول رود 3 دقائق مشي ومكيف 12 Best Western Mostyn hotelقريب من الاكسفورد
واي خدمه