1. 1- فندق جراند حياة.

الموضوع هذا أنا كاتبه و منزله اليوم في منتدى ثاني فلا تظنون فيني الظنون أني لاطشه و لا ناقله .
بسم الله الرحمن الرحيم
السلام عليكم و رحمة الله و بركاته :
هلا و الله و غلا بربعي و عشيرتي و ناسي ******** بيرشح نفسه
هذا موضوعي الله يسلمكم عن اثنين من فنادق مدينة دبي و إن كانوا ما يعدون فنادق بل يعتبروا ريزورت و أول فندق أبتكلم عنه هو :

1- فندق جراند حياة.

هذا الله يسلمكم موجود حول خور دبي و قريب من مدينة الوافي اللي تشمل المول و منتجع كليوباترا و بلانيت هوليوود و السينما و بكذا تكونوا و سط كل شي و هو مو بعيد عن وسط دبي يعني 5 دقايق بالسياره و هو يحتوي على غرف مختلفة المستويات و أجنحه و في ثلاث مطاعم و مقهى غير النادي الصحي و المسابح و أنا سكنت فيه كم مره و عاجبني موت و هذي صور من زيارتي الاخيره له :

• هذي صوره للوبي أو الردهه بالعربي و أنا ركزت على الثريا لأنها عاجبتني
• و هذي الله يسلمكم صوره جانبيه للجدار و أنتوا نازلين للمطعم و في هذي اللمبه الغريبه اللي ما سلمت مني .
• و هذي صوره للمطعم من الداخل كأنكم قاعدين بغابه و ترى أكله رهيب بس غالي شوي يعني الهمبرجر بسبعين ريال .
• صوره من جهة الحدائق الملحقه بالفندق و هي بجانب المطعم و هذي زاويه فيها.
• هذا الله يسلمكم المسبح الرئيسي و فيه بار الله يكفينا الشر .
• و هذي صوره للفندق خذتها و أنا عند المسابح .
• بحيره صغيره و نافوره موجوده بالحديقه القريبه من المسبح .
• صوره من داخل الفندق للأشجار الموجوده قريب المطعم و المقهى .
• صوره للسقف و أنت خارج من المطعم .
• صوره لمكاتب الإستقبال .
• الممر في الدور اللي فيه غرفتي .
• صوره للغرفه من الداخل .
• صوره للمكتب و التلفزيون في الغرفه .
• المنظر الجميل المطله عليه الغرفه .
• صوره لحديقة الخور و الملاهي من الغرفه .
• صوره لدورة المياه أعزكم الله ******** ما كنه مصخها و يبغاله مخمس على وجههه .
• صوره أخيره للشلال الموجود في الواجهه .2- منتجع الرويال ميراج و هذا ما سكنت فيه هذي المره بس كنت رايح أزور قريبي و أتغدى معه فخذت لي كم صوره من زود الملاقه .

و هذا المنتجع مره فخم و راقي و هو على شاطئ الجميرا تروح له لبغيت تستجم مو للمهرجان أو للتسوق القعده فيه لحالها تونس و هو مرافق له شاطئ جميل و حمام سباحه و نادي صحي و فيه غرف و أجنحه و فلل على البحر و فيه مطعم و هذي الصور اللي خذتها .

• صوره لمقدمة القسم الكبير من المنتجع و أسمه عربيان كورت و تشوفون الخيل العربيه .
• صوره لنافوره موجوده بالداخل لها تصميم شرقي .
• صوره لأحد الجهات و تحته يوجد المطعم .
• جهة الإستقبال و الردهه .
• صوره من الخارج للحديقه .
• مقدمة القسم الثاني من المنتجع و هي للمسبح و النادي الصحي و المكتبه و هذي النافوره فيها .
• صوره للمنتجع من الخارج و أنا في السياره .

و آسف على الإطاله و وساعة الوجه تحملوني أرجوكم .
مع السلامه .