مرحبا خوي مسفر
بخصوص فنادق تايلند حسب خبرتي وسفراتي المستمرة انهم مايطلبون تأمين تحت الحساب بس راح يأخذون تأمين اذا طلبت صندوق للأمانات والمبلغ رمزي مايتجاوز 50 ال ريال ويعتمد من فندق الى اخر، هم دائما يحتفظون بالجواز في الرسبشن كضمانة ليما تسدد كل المبالغ اللي عليك عند ال check out وساعتها راح يرجعون لك جوازك ومعاها أبتسامة وكلمة شكرا بالتايلندي (كوب كون كاب)
طبعا أنا دائما اذا اسافر الى تايلند اخليهم من أول يوم يصفرون المني بار واروح أشتري كل اللي ابيه من السوبر ماركت لأنه أرخص وايد وهذا الشئ راجع لك.
أهم شئ لا تضيع مفتاح صندوق الأمانات لأن غرامته شويه كبيرة فدير بالك
سفرة موفقة أنشالله والسفر خير تجربة لكي تتعلم كل شيئ بروحك.

gulf-boy2011
مشكور اخوي على ردك
لكن اللي اعرفة في الفنادق ان الثلاجة مقفولة اذا فتحتها يحسب عليك واذا مافتحتها مايحسبون عليك ( يعني مايصفروون الثلاجة ) وحتى اذا شريت من السوبرماركت ماتقدر تستخدم ثلاجة الغرفة لانها مقفولة هذا الكلام اقولة لك من واقع تجربة في اكثر من دولة ( المانيا - جنوب افريقيا - مصر - تركيا - اليابان - لوس انجلوس - دبي - النرويج )
لكن تايلاند مادري عنهم
هل اقدر اقولهم يصفروون الثلاجة ؟
تحياتي لك

ياخوي مسفر لا تقارن أوربا مع غرب اسيا وفي تايلند كل الثلاجات مفتوحة وتقدر تقول الى حمال الشنط اول مايوصلك غرفتك ان يصفر الميني بار وراح يفعل ذلك وترى دول غرب اسيا كل امورك تمشي أسرع بالبخشيش البسيط يعني تعطيه 50 بات اي تفريبين 5 ريال او أقل راح يكون مبسوط.
طبعا راح يكون على احد طاولات غرفتك عدد 2 ماي صحة وكل يوم راح يزودونك بغرشتين اذا خلصوا وطبعا ذيلا كلهم بالمجان.
بالتوفيق أنشالله.

gulf-boy2011
مشكور ويعطيك الف عافية
اذا عندك معلومات عن فندق توني ريوزينت بوكيت
يعني احجزة من النت او من مطار بوكيت او من مكتب العجوز بوم