السلام عليكم اخواني..
ان شاء الله رحلتي لشهر العسل راح تكون في اواخر جولاي و بداية اوقست.. و ناوي أجلس في باريس 6 او 7 أيام. الي أبحث عنه هو فندق ممتاز 4 نجوم.. و أهم نقطة هو وجود البلكونة.. تعرفون شهر عسل لازم جو رومنسي :P
أتمنى يكون بحدود الألف ريال.. و الموقع ماهو بذيك الأهمية. و ممكن استغنى عن البلكونة لو كان فندق 5 نجوم و معه عرض مثلا اسكن 7 أيام بسعر 6 أيام مثلا.
أعجبني فندق الانتركونتينيتال لي قراند... هو أرخص ما شفت من الخمس نجوم.. لكن لا زال سعره عالي شوي حدود ال 1500 ريال في الليلة. يستاهل والله لكن للأسف الفترة طويله شوي في باريس و راح يتراكم المبلغ.
(طبعا الأسعار الي اتكلم عنها أسعار انترنت).
و سؤال ثاني بخصوص التأشيرة.. أنا راح أقدمها عن طريق سفارة النمسا انشالله.. كم تقريبا تاخذ على ما تطلع؟ و لو عملت كل حجوزاتي عن طريق الانترنت، وين أقدم أوراقي؟ ممكن من عند احد المكاتب السياحية؟ ولا لازم حجوزاتي تكون من عند المكتب السياحي عشان يسمحلي أقدم على التأشيرة من عنده؟
مشكورين اخواني و الله يجازيكم بكل خير.