الخيارات المذكوره كلها رائعة وكل منتجع يختلف عن الثاني وفيه شي يميزة بالذات كونراد الي فيه مطعم تحت البحر وهذي تجربه حلوه...
نصيحتي لاتقضي كل الايام في منتجع واحد... أنا قضيت ثلاث ليالي في منتجع وثلاث ليالي في منتجع آخر وكانت تجربه حلوه...
الانتقال من منتجع الى آخر كان سريع جدا... تسوي تشيك آوت من المنتجع وتروح المطار بالبوت حق المنتجع... ومن المطار يأخذك المنتجع الثاني بالبوت أو الطائرة المائية حسب مكانه...
الأختيارات ممتازة أنصح بكونراد و فورسيزون ( يوجد منتجعين في المالديف لفورسيزون)
تحياتي ،،،

شكرا على طرحك اخي الوافي بس اي واحد من فنادق الفورسيزن هو الافضل
ومن ناحية التنقل صعبه لانها كلها اربعه ايام ما تسوى التنقل عشان كذا راح نقضيها في منتجع واحد بس يكون يستاهل
ياليت مزيد من الاقتراحات

السلام عليكم ورحمة الله وبركاتة
اختي الكريمه شوشه منفوشه أسعد الله أوقاتك بكل خير الفندقيين رائعين وقضيت شهر العسل فيهم ولكن هناك منتجع شانغرلا كان خيار ثالث مطروح امامي لان كونراد كان زحمه شويه ولكن توفر فالاخير وعلى حسب كلام الاماراتيه للعطلات انه منتجع جديد وفخم للغايه حتى افخم من كونراد و دبليو اما بخصوص الفور سيزون لا اعلم عنه شي ولكن اذا أحببتي انصحك بكونراد وتحجزين برايمر فيلا واتر وجربي شانغرلا لان دبليو جميل ولكن الفعاليات اكثر واجمل في كونراد لذا ارشحه بقو حتى لا تشعرون بالملل فالبدايه لمدة اربع ليال ومن ثم شانغرلا لمدة ثلاث ليال

انصحج و بقوه في الفورسيزن الجديد و اللي ينراح له بالطياره المائية لاندا قرافارو شي جذي اسمه اكثر من روعه و انصحج خليه المنتجع الثاني عشان ما تحطمين من الاول لان الفور سيزن الافخم والارقى على الاطلاق وتقدرين تشوفين تقريري سكنت فيه و كان روعه

تتوقعون حجز الفندق من نفس موقعهم ارخص او من مكتب خطوط ارخص

كلام الاخت ألم صحيح عن منتجع شنغريلا المنتجع غير طبيعي بالمرة من ناحية الفخامة انا سكنتة من قبل سنة تقريبا ومن واقع تجربة انصح بالمنتجع لانة فعلا يستحق الزيارة وبعدين مافية زحمة مثل باقي المنتجعات والمطاعم شي لايوصف خصوصا مطعم الدكتور علي
واذا تبي شي حلو وفخم خذ فيلا مع مسبح خاص