السلام عليكم و رحمة الله و بركاته
الحمدلله، بعد ما الواحد ارتاح من هم الفيزا و الحصول عليها، بدأ الآن في مشقة البحث عن الفنادق و الأماكن اللي ممكن يزورها. طبعا هي مشقة و تعب بس باستمتاع
معليش تحملوني شويه :36_1_42:
أبغى فندق في ميامي و أورلاندو تكون ممتازه و مريحه و أهم شي تكون نظيفه و شرحه و في أماكن كويسه و قريبه من المعالم السياحية.
أنا شفت في موضوع الغالي Impac خلال زيارته لأورلاندو الفندق اللي اختاره و هو من مجموعة فنادق ماريوت و هذا اسعدني شوي لأني في أغلب سفراتي اختار الماريوت.
و هذا هو الفندق اللي اختاره الغالي Impact
Fairfield Inn® by Marriott® Orlando Lake Buena Vista in the Marriott Village
و ذكر كمان الفنادق التالية في نفس موضوعه
Courtyard Orlando Lake Buena Vista in the Marriott Village
و
Spring Hill Suites by Marriott Lake Buena Vista
و أنا والله محتار اختار أي واحد فيهم، لأني طبعا ما أعرف ايش الفرق بينهم و ايش المناسب فياليت تساعدوني و راح أكون ممتن لكم.
هذا بالنسبة لأورلاندو..
بالنسبة لميامي فطبعا ما أعرف أي شي أبدا و على أي أساس ممكن اختار الفندق هل قربه من شاطيء معين أو في مكان قريب من أماكن سياحية :112:
معليش اعذروا أخوكم لأنه أول مره يسافر أمريكا و مو عارف أي شي فيها و لا حتى الأماكن اللي ممكن أزورها.
أنا ما أعرف غير ديزني و السي ورد في أورلاندو بس :36_1_42:
يا ليت كمان لو تنصحوني بموقع ثقة ممكن احجز منه لأني ما أبغى احجز عن طريق مكتب سياحي
والله مره محرج منكم بس مالي بعد لله غيركم
خالص مودتي؛؛