1. نجي لبعيد من المسافات


2. انصحك تاغي باندونق ولمبانق او تلغي بلابون راتوا

هلا اخوي اول شي شف هلصوره موح فيها للمناطق اللي ذكرتها بسوالك وهي خمس مناطق جاكرتا وصول - وبوقور معها بونشاك ((الجبل ))هذي قريبه من بعض بين جاكرتا وبونشاك تقريبا 85 كيلو بدون زحام ساعه الي ساعه ونص زحام متوسط ساعتين ونص زحام ويك اند او اجازه انسي تروحها فكر بغيرها من جاكرتا تحديدا ورح بوقور لين الليل او تنام في بوقور
بوقور تقريبا عن بونشاك نص ساعه تقمز لها يوم ان حبيت تتمشي باسواقها الشعبيه او تشوف حديقه االاشجار او القصر الرئاسي فيها او بعض المولات المتوسطه

نجي لبعيد من المسافات

باندونق زي م اتشوف اقصي شرق جنوب بونشاك 3ساعات مشوار المسافه مو بعيده بحدود 90 كيلو بس الوقت تحتاج وقت لانها عبر قري وزحام طرق فرعيه وجبليه واصلا باندونق مقصد هدوء كمدينه متوسطه او تسوق لاهل التسوق والاوت لت فانت راح تروح لمبانق تلقاها شمال باندونق نس ساعه لساعه الا ربع عنها هي ضاحيه باندونق الريفيه ومقصد السياح ببركانها ومنافعها ونشاطاتها
سوكابومي مهب مقصدك لانك طالب الشاطيء بلابون راتوا وهو مايقع في سوكابومي بس للاسف الكثيرين رسخ بذهنهم هذا الامر لتقسيم المنطقه الاداري او لانها اقرب مدينه متوسطه الحجم للشاطيء وان جيت من بونشاك بتمر عليها فسمي الشاطيء باسمها وزي ما تشوف هو بعيد عنها المسافه من الجبل لها تقريبا 5 ساعات ان كان فيه زحام واكثر الي ست ساعات ان كان مافيه زحام وسواق شقردي اربع الي اربع ساعات ونص - اما من باندونق المسافه اطول وتزيد تقريبا ساعه لان الطريق يكون فيه خيارين للسواق زي ما تشوف
وعلي تقسيم مده رحلتك حسب الايام بتصير رحله هجوله9 وشل الشناط وحط الشناط

انصحك تاغي باندونق ولمبانق او تلغي بلابون راتوا

ان سئلتني عن الافضل نشاطات بقول باندونق افضل من شاطيء بلابون راتوا لتعدد المزارات بلمبلنق بركان حديقه فراوله وفواكه واناناس شلال ماربيا منتجع ساري اتير ومياهه البركانيه وفعالياته النشطه من العاب
بلابون راتوا مجرد شاطيء بخدمات متوسطه وتنفع للي يبي اقرب نقطه للمحيط ووقته طويل ويبي يجرب شيء جديد بالديره واللي وقته قصير يطمر انشول وبحر جاوه المطل علي جاكرتا رغم انه ضحل المياه بس فيه نشاطات بحريه تمشي الحال وبلابون راتوا مايفرق عنه بالخدمات بل انشول افضل منه لكن بلابون اوجه كشاطيء وكمنظر ومياه