السلام عليكم
معاك اخوك احمد انا ادرس في كورك بايرلندا
بخصوص واتر فورد ما اعلم عنها شيء والله.
لكن ممكن تعطيني اسم المعهد اللي تبي تدرس فيه
وهل هي جامعه ؟ اذا كان معهد تقدر تكلمهم وهم يحاول
فيك
بخصوص التنقل من دبلن الى واتر فورد . بالباص او التاكسي
نصيحتي لك لا تستخدم التاكسي أبدا ً بسبب الغلاء راح يمحطك سعر
وانت بغير الحاجه عنه.
اذا قررت تسكن لفتره طويله انصحك تستأجر اذا ما كنت تبي تسكن مع عائله
موقع جيد للبحث عن الشقق في ايرلندا
http://www.daft.ie

السلام عليكم
انا ادرس في كورك
بخصوص واتر فورد ما زرتها من قبل ، لكن اعرف انها منطقه
في بحر وشاليهات والناس تروح لها من اجل تغير الجو من المدينه
تقدر تاخذ قطار او باص من دبلن اليها بحوالي ساعتين او ثلاث ساعات
وهذي نصائح من احد المواقع بالانجليزي لعمليه الوصول من دبلن الى واتر فورد
Book Your Train Tickets From Dublin to Waterford
Step1
Plan to depart from Dublin to Waterford via the Dublin Connolly or Dublin Heuston train stations.
Step2
Note that arrangements from Dublin Connolly will necessitate taking the bus to Dublin Heuston where the train runs to Waterford.
Step3
Book your train travel to Waterford from Dublin Heuston by visiting the Irish Rail Web site (see Resources).
Step4
Notice that the Intercity service train runs directly to the Waterford (Plunkett) train station in approximately 2 to 3 hours.
Step5
Travel in style by purchasing a CityGold ticket which entitles you to full meals, drinks, and a "walk right on board" privilege without having to check-in with the station booking office. For more information, call the Iarnród Éireann Travel Centre in Dublin (see Resources).

هلا بك اخوي احمد
ماقصرت يا الطيب على المعلومات الطيبه
بالنسبه لمكان الدراسه هو معهد ووتر فورد بنفس اسم المنطقه
وانا احاول اخذ سكن عن طريق المكتب اللي راسل لي المعهد اقل شي الاسبوع الاول
عشان الواحد يعرف وش الوضع في المنطقه وانا حريص اني اسكن مع عائله لاني في اللغه الانجليزيه تقدر تقول
مبتدء واهم شي عندي انتقاء العائله
اكرر شكري لك اخوي احمد وماننحرم من ردودكم الطيبه
اخوك خالد من الرياض

u can book in B&B which is cheaper than hotels ,,, way cheaper
if you were in problem , then u can contact ur collage there in waterford to find a good
family that are welling to host you
if u need anything here in Ireland , i'll be here to help u insha allah

اخوي احمد
اسعد ايامك بكل خير وسلامه
ياليتك كاتب بالعربي عشان افهمك اكثر لاني فهمت بعض الكلام والباقي حاولت اترجمه بس طلع كلام مركب لان الترجمه حرفيه

اسف امس عملت فورمات وكان مافي فونت عربي
كان تعليقي السابق ، انك بأسوأ الأحوال تقدر
تسكن في اماكن اسمها B&B
اختصار لكلمه Bed & breakfast
توفر لك غرفه وفطور . وتكون ارخص من الفنادق بكثير .
اذا ما قدرت تنسق من بلدك مع العائله . تقدر اول ما توصل تسكن
في البي أن بي . لمده بسيطه يومين ثلاثه ، على ما تقرر تسكن مع عائله
بعد تنسيق العائله من المعهد هناك ، او انك تبحث عن شقه وتسكن فيها
أهم شيء ، جيب معاك سجاده في تحدد القبله .
وان شاء الله لو بغيت شيء من ايرلندا واكون أقدر أفيدك
بأي وسيله راح اكون بخدمتك. اهم شيء دعائك لنا

الله يعطيك الف عافيه
وماتقصر اخوي واحنا مانستغني عن توجيهكم بحكم خبرتكم في ايرلندا
وكان ودي استفسر عن تعليم اللغه الانجليزيه هل اقدر ان اجتازها خلال كم شهر
مع العلم اني متحمس لمعرفه اللغه الانجليزيه
وهل طريقتهم في التعليم سلسله واقدر استوعبها
ولك كل الشكر على تجاوبك معي وردك الجميل على اسألتي

ونسيت اقول الله يوفقك وييسر امورك دنيا واخره

الله يوفقك ويسهل امرك
تختلف الطبايع من منطقه الى منطقه ( طبايع الناس )
بشكل عام الشعب الايرلندي شعب طيب بالأعم.
تعرف كل منطقه تختلف باللهجه اختلاف بسيط
يعني مثل انا في كورك تختلف الطريقه عن دبلن العاصمه
ببعض الاشياء ( accent)
بشكل عام ، اللغه تكتسب بالممارسه والرغبه وعدم الحياء
يعني كثل ما كنت وجهك عريض ههه بالكويتي
كل ما سرت أكثر جرأ وبالنهايه أكثر استفاده.
حاول تتعلم بالانجليزي هنا قصدي
تتكلم بالانجليزي ، تفكر بالانجليزي.
لا تخلي مخك يشتغل انك تترجم العربي اللي
في بالك وتخليه انجليزي. وهذا شيء مو سهل
مع الممارسه تقدر تتجاوزه.
والأهم لا تترجم كل شيء يطرا على بالك
لأنك تتعب. لو كنت تقرا مقال بالجريده.
اقرى المقال كامل . لا تحاول تقرا كلمه كلمه وتستوعب كل كلمه
لا اقرى المقال كامل وراح تلقى نفسك فهمت اغلب الافكار
تعلم بالفكره مو بالكلمه.
اي كلمه تبي تترجمها او تفهم معناها . ترجمها بالانجليزي لا تترجم بالعربي أبدًا
مثلا تبي تعرف معنى
automobile
ما تروح تترجمها بالعربي وتطلع لك سياره
لا ترجمها بالانجليزي من مواقع او من معجم راح يقولك مثلا ً
car: a motor vehicle with four wheels
من الجمله هذي عرفت ان اوتو موبيل معناتها سياره.
بنفس الوقت عرفت تعبر عن السياره بخلال جمله. وعرفت معنى فيكل = مركبه
wheels تواير او عجلات
بكل سهوله ويسر.
اتمنى وصلت لك فكرتي.
لأنك بعدين لو حبيت تكتب مقاله بالانجليزي قد تنسى الكلمه
ولكن يكون عندك المخزون اللغوي عن المرادفات او الجمل التعبيريه عن الكلمه هذي
وبالتالي توصل معلومتك.