أهلين اخوي انا انصحك يكون مخططك بين الدول الفرنسيه والسويسريه افضل يعني محطت الوصول بجنيف والسكن يكون من المدن القريبه من جنيف مثل منترو لوزرن تجلس كم يوم وتروح لا انترلكن التنقلات باالقطاار وآخر محطه باريس.*

طيب ليه مايكون السكن بجنيف ؟ والا يكون اغلى ؟ وقصدك التنقل بين باريس وجنيف يكون افضل بالقطار والا كيف ؟ وعندي سوال بعد انا رحلتي حاطها تقريبا 17 يوم تقدر تقسمها لي بين المدن اللي قلت ؟. اعذرني اخوي على الازعاج والله يعطيك العافية .

شوف اخوي مخططك بيكون سهل اذا استبعدنا برشلونه وافضل شيء يكون كالتالي الوصول لجنيف استئجار سياره والسكن بضواحيها 4 ليالي الانتقال الى انترلاكن ساعتين ونصف والسكن 5 ليالي بضواحيها الانتقال الى ملاهي يورب بارك والسكن قريب منها في مدينة ستراسبورغ الفرنسيه 50 دقيقه من اليورب بارك وعن انترلاكن 3 ساعات بعدها تسلم السياره وما راح يكون هناك ضريبة لانك مسلمها بمدينه فرنسيه وانت مستلمها من جنيف الفرنسيه وتنطلق بالقطار السريع الى باريس ساعتين ونصف 4 ليالي المجموع 15 ليله كذا تنقلاتك راح تكون سهله جدا واذا كنت مصر على برشلونه هناك خط سير اخر وهو كالتالي الوصول الى جنيف استئجار سياره من الجانب السويسري وقضاء 4 ليالي في جنيف وضواحيها 4-5 ليالي انترلاكن ثم الانتقال الى لوقانو ساعتين ونصف عن انترلاكن على الحدود الايطاليه والجلوس 2-3 ثم تسليم السياره والانطلاق الى ميلان ساعه بالقطار وتكون حاجز طيران داخلي الى برشلونه على الخطوط الاقتصاديه ريان اير وهي خطوط جدا ممتازه ورائعه وما تتخيل سعرهم ومحد يصدقه انا شيكت في الفتره اللي راح تنطلق فيها من ميلان نقول 10 اكتوبر سعر التذكره 8 يورو اضف عليها تكلفه شنطه وزن 20 كيلو بسعر 25 يورو (اذاكنت تبي تشحن شنطتك ومسموح لك بوزن 10 كيلو حقيبة يد واحده فقط ومقاس معين علشان تدخل بكبينة الطياره ولو معك اي كيس نايلو او لاب توب لازم تدخله بالشنطه لانه لوحده يعتبر شنطه ) طلع المجموع 33 يورو والسعر كل يوم يتغيير ومدة الرحلة بالطائره ساعه ونصف تقريبا وللعلم فهي تقلع من مطار Bergamo القريب من ميلان وتهبط بمطارBarcelona T2 وتستطيع ايضا اختيار مطار Girona الطياران لها اقل حيث يستغرق ساعه وربع والمطار قريب من برشلونه وينقلك الباص 45 دقيقه الى برشلونه وسعره 15 يورو اغلى من سعر تذكره الطيران ههه شيء لا يصدق المهم وبعد ما تجلس في برشلونه 3 ليالي تنتقل على نفس الخطوط الى باريس مدة الرحله ساعتين وقيمتها 21 يورو اضف عليها شنطه 25 يورو يطلع 46 يورو وتستطيع السفر من احد المطارين في برشلونه وهذى موقع الخطوط اذا قررت تحجز لان الاسعار تتغير بشكل سريع وعلى فكره انا قد طلعت عليها من روما الى برشلونه 5 يورو فقط واضفت شنطه ب 10 يورو ايام الرخص وتحسفت على الشنطه لاني كنت اقدر ادخلها معي بس كنت حريص واول مره احجز وكان معي شباب ومو مصدقين ومسمينها الجراده بس بعدين صرنا نسميها الصقر لانها افضل وبمراحل من خطوطنا علشان كذا دليتك عليها وهذا افضل مسار لانها ما توصل جميع المدن وبامكانك رسم جدولك بنفسك بالدخول على قوقل ماب وكذلك على خطوط الطيران وشوف خارطة رحلاتهم موقع الخطوط http://www.ryanair.com/en

الله يعطيك العافية اخوي ماقصرت والله ,, كففيت ووفييت .. بس شكلي انا خلاص بهون عن برشلونة , وبخلي زيارتي باريس - جنيف - انترلاكن .. بس بسالك اخوي القطار اللي يوصل من جنيف لباريس كم سعره ؟ وهل الطيران اللي تقول عنه يوصل من جنيف لباريس ؟ .. بتعبك معي اخوي ..
واذا ماعليك كلافة تعلمني عن فنادق حلووه واسعارها مناسببه في جنيف وانترلاكن ... الله يوفقك ويسخر لك يارب .

بالنسبه لسعر تذكره القطار من جنيف الى باريس 46 يورو على اقل درجه اذا حجزت من الحين والسعر يتغير دائما والوقت 3 ساعات و12 دقيقه وبالنسبه للطيران من جنيف خطوط ريان اير ما تطير من جنيف ولكن هناك خطوط بديله اسمها ايزي جت سعرها 30 يورو اضف عليها 11 يورو قيمه شحن شنطه 20 كيلو يطلع المجموع 41 يورو اضف عليها 16 يورو اذا بتدفع بالكردت كارد وهذا نظام الدفع
Pay by Visa Electron: €40.81
Pay by Debit Card: €50.81
Pay by Credit Card: €56.81
وبالنسبه للفنادق اعذرني فلست خبيرا بافضلها تحياتي

تسلم اخوي daayem ماقصرت الله ... الله يعطيك العافية ..

طيب لو استاجرت سيارة في جنيف لمدة اسبوع كم تكلفني ؟؟