مرحبا اخوي من ناحيه الفندق تقيميه متوسط
اما الموقع ممتاز
من ناحية المبلغ يكفي اذا كانت الرحله اقتصاديه
والموصلات استخدم الترام افضل وارخص
الوصول للفندق خذ موقع الفندق واسمه واخبر التاكسي وهو يدلك ان شالله

• *ملاحضه

حاول بقدر ماتستطيع تكاسر بالسعر وكانك بديرتك ولاتخاف
ابعطيك مثالا
كنت رايح لرحله للبسفور وقالي السعر 80ليره وكاسرته حتى وصلها الى 30ليره
تركته ورحت لواحد ثاني وقالي 20ليره كاسرته حتى اخذتها 10ليره
تخيل من80 الى 10ليره
وقراء كثيير في المنتدى وبتستفيد ان شالله

حياك يا طويل العمر
وصباح الورد
الوصول من المطار إلى الفندق
بحكم وجود عائلة معاك ، تاكسي ، وراح يكلفك من 45 - 60 ليرة
لا تكثر شنط ، ففترة أسبوع لا تحتاج هيك شغلات
والسؤال الثاني
ليش إخترت الفندق ؟ وهل تقدر تغيره ؟
ترى مافي شيء
بس بعد فيه خيارات أفضل لو حاب
البرامج كثيرة ، والمواضيع المثبتة راح تغنيك يا غالي
و 5000 آالف مبلغ كافي وزيادة
خصوصا إذا حرصت إنك تستخدم وسائل النقل العامة
يعني في حدود 700 ريال باليوم
وأشوفه مبلغ جيد لعائلة صغيرة
حط حسابك لبعض المشتروات خصوصا الملابس وخلي لها ميزانية خاصة
ربي يسعدك ويوفقك

حربي سات
الله يصلحك بس
مسوي فيها راعي سفريات وناوي تروح اوربا وتفلها هناك وانت ما معك الا 5000 ريال !
وين يا عم ... المبلغ ذا تصرفه في اوربا بيومين
اجل بغيت تخربها وتروح اوربا هاه !!
انا اقترح عليك تأجلها شهرين لين يدفأ الجو وتقلبها للشرقيه
امزح .... امزح
0ريال مصاريف تنقل واكل وشرب وحتى فندق تكفي بإذن الله اسبوع في تركيا
ومعدل الصرف اليومي لكم - غير السكن -راح يكون بين 400 - 500 ريال
تحياتي

أبو سليمان تعوذ من إبليس
الحربي ذيبان
يفل أبوها بأي رقم
موب مثلنا ضعوف وحالتنا حاله
الله يسعد قلبك

اخي الكريم اطلع من صاله المطار واتجه ع اللوحات المكتوب عليها ميترو او سابواي قم بصرف مبلغ 50 دولار من المطار ليس اكثر من خمسين بعدها ادخل صاله الميترو اشتري قطع دخول على عدد الاشخاص كل قطعه 3 ليرات للعلم فقط يوجد بطاقه اسمها اسطنبول كارت لن تجدها ب المطار ..اركب الميترو وانزل في اخر محطه اكسراي اصبحت المسافه قريبه اما ان تمشي او تركب ترام الى السلطان احمدموفق اخي الكريم

ماجد الفهد
ههه
هلا وغلا ابو ماجد والحمد لله على السلامه
تصدق عاد ؟
جربت مره انا وواحد من الزملاء ( تاجر ملابس ) في اسطنبول نسويها رحلة اقتصاديه وندخل تحدي مع انفسنا
جربنا نخلص شغلنا ونتمشى ونفلها بأقل المصاريف
هذا الكلام قبل قبل4 سنين تقريباً , مدة الرحلة كانت 10 ايام (لم تتجاوز تكلفة الشخص كامله مع التذاكر 3500 ريال )
سكنا في فندق بششلي قريب للمترو اتذكر كان سعره لشخصين حوالي 320 ريال مع الافطار
وكنا نستخدم المواصلات العامة في تنقلاتتنا حتى من المطار بالمترو والترام والى المطار نفس الشي
والاكل طبعاً الفطور الساعة 10 الصبح نضرب الين نشبع وفي المساء وجبة وحده غداء عشاء بنفس الوقت مره في ماك
ومره في المطاعم التركية السريعه والشعبيه ... وكان بالفعل مصروفي اليومي ما يزيد عن 30 ليره
كنت داخل في تحدي مع نفسي بشوف كم اصرف !!
كان سعر التذكره على السعوديه 1300 ريال والسكن 10 ايام 3200 ريال لشخصين
لكن طبعاً سياسة التوفير ما طولت والي وفرناه في ذيك الرحلة صرفنا اضعافه في الرحلة الي بعدها
وابو طبيع ما يخلي طبعه

ههه
يا حبي لقليبك يا أبو سليمان
حلو الواحد يجرب كيف يقدر يسافر بكل الطرق
هو حالي منذ عرفت السفر
تجيك رحلات الله منعم عليك وتفلها
وتجيك رحلات جاية بالعرض ولا تبي تفوتها أو ذبحك الشوق
فتجمع حالك وتضغط ع نفسك وتستمتع
في تركيا نفسها
5يوم
أنا وزوجتي
مرة كلفت علي حدود 10-11 شاملة كل شيء
ومرة ثانية 25 والعياذ بالله
كل وحدة فيهم لها طعمها
وكل وحدة فيهم لها إمتيازاتها
والواحد وخصوصا إذا يبي يسافر
يمد رجليه على قد دريهماته
وربي يسلمك من كل شر صديقي

اخي ماجد الفهد وبن زامل
سوالفكم ممتعه كملو السوالف
الله يسعدكم

الله يمتع حالك ويسعد قلبك أخوي بو حسان
إبشر بالسوالف
بس عطني وقت
نفرح بالوقت اللي نحصله عشان نرد ونتابع إستفسارات الإخوة
وتجيك لحظة ودك تطلع اللي بقلبك كله
يارب إن توفقه