انا نفسك من ناحية اني بنزل من لندن ع مانشستر بالقطار مدة ساعتين وشوي ببات فيها ليله وحده وحجزت فندق Renaissance Manchester موقعه سيتي سنتر تحديدا الحجز ع طريق بوكينغ واول مره انزل مانشستر وماعندي فكره تامه عنها لاني متعوده انزل كامبردج بس محتاره يسوى ابات ف مانشستر ليله او اروح لها وارجع للندن بنفس اليوم ! لاني هم راح انزل مناطق ثانيه واللي متشوقه لها صج برايتون

السلام عليكم
المسافه من لندن لي مانشستر ساعتين و نص تقريبا و ما انصح المبيت فيها ليوم واحد لانها تعتبر مدينة كبيره و هي ثاني اكبر مدينه بعد لندن و يوم واحد ماراح يكفي اذا رايحين اول مرة
انا عشان جذي قررت اقعد فيها 4 ايام لاني اول مرة بروحلها
و بخصوص برايتون وايد حلوة بس على ما اعتقد انها بتكون وايد بارده هالايام كونها منطقة بحرية
و ممكن عن خاطركم تروحونلها من لندن بقطار الصبح و ترودون بالليل لانها مو بعيده 50 دقيقه تقريبا من لندن
و بخصوص السكن في مانشستر انا حصلت فندق ايبيس سعره و موقعه ممتاز و حجزته عن طريق بوكينج
لان حصلته ارخص من موقع ايبيس بعد
و على فكره تره مانشستر فيها واايد اماكن يمدحونها الاخوان بالمنتدى و انا قاعد انتقي و انشالله عقب ما اسوي جدولي و اخلص راح اعرضه بالمنتدى
و سفرتي راح تكون مانشستر - بيرمنغهام - لندن
و بانتظار مشاركاتكم و اقتراحاتكم
و تحياتي

انا حجزت ليله بس متردده اكنسل او لا لاني ابي انزل فرنسا ليله وبروكسل ليله فحاسه ان حرام هم ابات ليه ف مانشستر وانا ناويه اروح مناطق ثانيه

اشكركم على مرور
و اسمحولي وايد تاخرت بالرد
بس الحمدلله سافرت و رحت افتريت بمانشستر لمده 5 ايام و ماشبعت منها فا ان شاءالله بالسفره اليايه اول وجهه بتكون مانشستر )