و عليكم السلام
حياك الله أخوي أبو سالم و الله يخلي لك سالم و يحفظه
و حياك الله في هذا المنتدى بين أخوانك
تفضل أخوي هذا الرابط و ضعه الأخ و مشرفنا الغالي مهند في احد ردوده
أصحاب الأبدان السمينة من وين تشترون ملابسكم في الرياض؟ https://artravelers.com/p/re/236941
إن شاء الله انه يوفي و تحصل فيه ضالتك المنشوده

هلا بك يا ابو سالم
فيه يا الغالي عدة اماكن ولا تشيل هم
1- المخزن الكبير على شارع العليا العام مقابل برج المملكة ولهم فرع على ما اعتقد في شارع الوزير
2- محلات سيتي بلازا او سنتر بوينت لهم اكثر من فرع
مخرج 10 طريق الملك عبدالله باتجاه الغرب
مخرج 9 باتجاه الشرق خلف مجمع غرناطة
طريق خريص قريب جدا من خريص مول وجيان
شارع التخصصي بجانب اليورومارشيه
مخرج 16 هايبر بنده
ان شاء الله اكون افدتك

انصحك بالاحسن استغل السفر فرصة للمشي خل مشاويرك كلها على رجولك وحاول اكلك يكون سلطات ومشاوي ياسلام لو سفرتك شهر .. بترجع نازل على الاقل 12 كيلو

حياك الله أخوي أبو سالم راح تلاقي طلبك في مركز الهرم صحيح هو تقليد ماركه بس عنده حاجات حلوه ومقاسات كبيره

المخزن الكبير لايفوتك بضاعه راقيه ومقاسات كبيره

فيه محل شفته امس على طريق الملك فهد في نفس المبنى اللي مكتوب عليه مدينة الملك عبداله الاقتصادية

انا كنت زيك وزن ثقيل واصبحت وزن خفيف
حاول بالسفر تمشي زي ماقالوا الاخوان
وانا يوم كنت سمين الحمدلله اني مالقيت محلات ملابس تناسبني عشان كذا ضغطت على نفسي وخفيت
من الأفضل انك تفكر بالرجيم اولا عشان صحتك
وصدقني راح ترتاح نفسيا

المخزن الكبير شارع العليا مقابل المملكه
ومشكلتنا هنا ماتحصل كثير محلات للمقاسات الكبيره
ممكن المحلات العاديه تحصل فيها اقصد اللي مو ماركات
والله ينحفك من غير شر يارب