اهنيك على موضوعك وللاسف ما اشوف احد رد عليك وصدقني لو اقدر اخدمك من عيوني بس للاسف العوائل مالي خبره
اتمني من الاخوه يفيدونك

العوائل اسكن بمكاتي بفندق اظن اسمه داتاي وشانقريلا وسمر سيت وفيه تقارير واجد بالنسبه لزيارة العوائل هناك وفيها فنادق نظيفه وحلوه للعوائل بأسمائها وعناوينها . بس انا بالنسبه لي سكنت مع زوجتي بمنطقه كل الناس يقولون انها وصخه وغير امنه وصحيح اللي قالوه بس انا ادخل الفندق الساعه تقريبا 12 بالليل واحيانا 1 بالليل ولله الحمد سكنت فيه 8 ايام ولا شفت فيه اي مشكله مع ان سعره 160ريال باليوم 3 نجوم ونظيف جدا جدا وامن بس انه فيه عيبين مافيه فطور ومافيه درايش او نافذه مطله بس . ولا فيه تلفزيون وسرير فخم ونظيف مره ومقابل مجمع روبنسون مول وجها لوجه موقعه حلو بالنسبه للأسواق وللمطار وللمطاعم العربيه والمنطقه العربيه بس عيبه ان المنطقه مشبوهه بالنسبه لتقرير السفاره السعوديه لرعاياها وفيها بارات وبنات الهوى وديسكوات ويكثر فيها العرب بس إذا كان نظامك من الساعه 11 انت راقد بالفندق انت واهلك ماعندك اي مشكله ماراح تشوف اي شي يضايقك
. بالنسبه للأسواق واجد وفي كل المناطق بتشوف اسواق واشهرها جرين بلت وجلوريتا وروبنسون وهو عدة اقسام واس ام مول وسنتر بوينت واسيا مول ويمكن فيه سوق اسمه جرين هيلس . هذا اسواق مجمعات فخمه وفيه الاسواق الرخيصه مره مره شعبيه ولازم تروح لها الصباح أامن لك لانها منطقه فقيره وتخوف شوي على حسب كلام اهل المنطقه مع اني جيتها ومااحد غلط علي ولا شفت اي شي يخوف اسمه ديفيسوريا مول وجنبه 6 مجمعات واسواق كلها تبيع تقريبا بسعر الجمله بس المنطقه شعبيه كلش كلش .