بو داحم
13-01-2022 - 05:53 pm
السلام عليكم
ما اخفيكم اني الحين مره منلحس وخايف
كنت مرتب سفرتي من 3 شهور على النمسا وسويسرا
بس اكتشفت هاليومين ان الجو بالسوقت الي بسافر فيه بكون ثلووج ودرجة الحراره تحت الصفر
والفعاليات بتكون كلها مقفله !!
فبعد اللف والدوران
قلت يا ولد دامك قاطع التذاكر على مينوخ
خل الرحله في ارجاء المانيا ودرجة الحراره بتكون اعلى بشوي
حدود 4 درجات
يعني مو تحت الصفر زي النمسا
ف بعد قراءة التقارير واخذ الاراء
قررت ما يلي
محطة الوصول ميونخ
تقضي فيها ليلتين
وبعدها نسافر ( بالسياره) على فيلبريج ونقعد فيها يومين
ومنها نروح على هايلدبرج ونقعد فيها 3 ايام .. باليوم الثاني نروح للقرى الفرنسيه القريبه منها ... اذا عارفين اي قريه حلوه عطوني اسمها .. اروحها وارجع بنفس اليوم
ومنها على ( كولونج او بون ) ليله وحده
ومنها على دوسلدروف ليله وحده
ومنها على فراكفورت وفيها ليلتين
ومنها على ريمبيج ونقعد ليله
ومنها على ميونخ ليله ونرجع ثاني يوم الصبح لارض الوطن
طبعا حاولت اغير مدينة الرجعه وماقدرت لاني قاطع تذاكر ومافي اي مجال
ف ابي رايكم ومشورتكم بالخطه الي حطيتها واذا فيه منطقه ما تنصحون فيها عطوني خبر
انا افكر اكنسل ريمبيج وارجع على مينوخ
ومنها اروح ع زيلاميسي واقد يوم وراجع
ابي فزعتكم تكفون
حنا 4 اشخاص بالغين
تاريخ السفر 20 نوفمبر والوصول بكون ظهر السبت
والرجعه 2 ديسمبر بالصبح
اذا عندكم اي اقتراح قولو لي عشان ابدا ادور فنادق او شقق
انا ابي اخلي السفره على اكثر من دوله
فابي نصيحتكم بسير الرحله واي مدينه قريبه من المناطق الي اخترتها اقدر اروح لها بالسياره نفس اليوم وارجع
واذا وقت سفري بكون كل شئ متعطل وحتى القياده بتكون صعبه قولو لي
عشان ما اروح وانصدم بالواقع
طبعا الي عارف اي شقق نضيفه وقريبه من السنتر يقولي او فنادق 3 نجوم
عشان احطها بعين الاعتبار بعد ما اثبت خط سير الرحله ..
شاكر لكم مقدما
ولكل من حاول يساعدني دعوه بظهر الغيب بالشهر الفضيل
