وش دعو شباب مافيه احد رد علي موضوعي

السلام عليكم يا بو سعود .. عندي بعض من استفساراتك
بالسبة للسكن في بتايا انا حجزت في شقة 3 غرف و صالة
بفندق اسمه Inn house
بكون فيها من تاريخ 3/9/2012 لمدة 3 ايام
بصراحة ماعرف كيف موقع الفندق ولا كيف نظافته
لكن يظهر لي انه ممتاز و الشقة كبيرة مرة مرة
شوف هذا الرابط حق الفندق
https://www.booking.com/hotel/th/inn-house.ar.html?aid=1300939
الفيزا بما انك بتتواجد في اراضي تايلند اكثر من 15 يوم
لابد من اصدار الفيزا عن طريق السفارة بالرياض او القنصلية في جدة
اما اذا انك من سكان الدمام تقدر تطلعها من سفارة البحرين
وتقدر تتواصل مع مكتب الفيفا وهم يخلصونها لك بس ياخذون 200 ريال
لو تبحث بالنت بتحصل متطلبات الفيزا
تايلند كلها سياحة كل مدينة ولها مناطق تقدر تزورها
اسعار التاكسي الي بتايا (لم ازر بتايا من قبل)
يقولون 1,500 - 1,200 بات للسيارة
عن نفسي افضل اوصل المطار الصباح
ان شاء الله وصولي بيكون عن طريق الخطوط القطرية
الساعه 8:00 صباحا انا في بانكوك
جدول مقترح لسفرتكم:
8 ايام بتايا
3 ايام بي بي ايلند او احدى جزر بوكيت
8 ايام بوكيت
يومين بانكوك (لو تبون تتسوقون)
ولو عندك استفسارات اخري تقدر تتواصل معي بالخاص اعطيك رقم جوالي
بما ان سفرتك تقريبة تحتاج ترتب بسرعه
و سفرة موفقه

جدول رحلتنا القادمة بعد شهر ان شاء اللهشوف الجدول الجديد في اخر الموضوع

بتايا المواصلات رخيصة جدا ما عليك الا تركب احد الوانيتتات بالخلف فيه جلسات ومظللة وتجلس واول ما توصل المحل الي تريد تنزل فيه ترن الجرس للسايق تنزل تعطييه ريالين (20 بات) يعني لكل فرد وطبعا اهو يتوقف كثير ناس تنزل وناس تصعد وهو يلف وهالونيتتات اهم وسيلة مواصلات ببتايا ومنتشره جدا في شارع الشاطىء وفي السكند رود ويلفون بطريقة دائريه حول المنطقة ناس تصعد وناس تنزل واذا حاب تروح رحلات ضبط مع مكاتب الرحلات المنتشرة
اهم شي تروحون عالم صدق او لا تصدق (بليف مي او نوت) موجود بمجمع الرويال غاردن ومن الاماكن المميزة والي والمنظر فيها حلو مجمع السنترال فيستفال تصعد الطابق الثاني او الثالث فيه نفس البلكونه تطل على شارع الشاطىء والبحر ومنظر ولا اروع والمجمع حلو للمشي وعندكم رحلة التايغر زوو يمدحونها انا ما رحتها وفي حديقة التماسيح وفيه ميني سيام (مجسمات صغيرة لكل دول العالم) وعندك بتايا بارك مكان للترفيه والالعاب وعندك فيه رحلات تطلع من المرفىء (المرينا) لجزر قريبة من بتايا روعة بصراحة وتشوف مناظر حلوة مثل بوكيت تقريبا وتحجز من المرفىء نفسه وما تكلف شي وفيها انشطة الجزر حلوة مثل الرماية وركوب الدباب والدراجات النارية والجيت سكي والسباحة ولا تنسى تركبون فيله تحصلهم الرحلة بالمكاتب الساحية المنتشرة في بتايا وعندهم رحلة الغواصة وعالم تحت الماء (اندر وتور) وهذي رحلة مختلفة عن رحلة الغواصة وبتايا جدا روعة فيها انشطة كثيرة وغلطان من يقول انها للدعارة والخربطه بس والي راعي خرابيط بيخربط والي منضبط وعنده مبادىء وقيم ويخاف الله بيتجنب الخرابيط وبيقدر ان شاء الله لو كان مؤمن واتمنى ان تستمتعون بكل دقيقة هناك ان شاء الله وربي يحفظكم .. وبالنسبة للغة اهم شي تمشي روحك بكم كلمة انجليزي مع شوية اشارات واستخدام الآلة الحاسبة وكل شي بيمشي والفيزا اعتقد في موضوع مثبت في هذا القسم عن الاستفسارات الخاصة بالفيزا الخاصة بالاشقاء السعوديين الذاهبين لتايلند فيه التفاصيل واعتقد انها راح تعطيك فكرة عن الفيزا
تحياتي لك