حياتي صلاتي
02-11-2022 - 11:28 am
السلام عليكم ورحمة الله وبركاته
حجزنا والحمدلله التذاكر والفنادق
والرحلة بتكون بإذن الله في شهر أغسطس
ولانها أول سفرة لنا للسفر لتركيا (عائلة مع 4 أطفال) قريت كثير عن تركيا وما شاءالله الموقع فيه معلومات كثيرة جاوبت على معظم استفساراتي
بس حابه منكم تفزعوني في ترتيب الأماكن الي أقدر أزورها وخاصة ان معي الأطفال الله يحفظهم فلازم يكون لهم نصيب من الرحلات
يعني رتبو لي الأماكن على حسب مكان السكن
(ماشاءالله قريت من الموقع عن الكثير من الأماكن لكني ما عرفت كيف أرتبها)
أن شاءالله بنوصل وعلى طول بنسكن في يالوا 3 ليالي (حابة أشوف بولو وبحيرة أبانت.. شورايكم بقدر ولا لا)
وبعدين بإذن الله بنروح بورصه 3 ليالي (شورو علي شو الأماكن الي أقدر اروح مع العيال)
وإن شاءالله بعدها تقسيم 3 ليالي (منطقة شيشلي وحابة اخذ العيال للملاهي والتلفريك.. شو رايكم)
وبعدها باذن الله على منطقة فاتح (بجانب جولهانة بارك)
الحين بغيتكم ترتبون لي الرحلات وأسامي الأماكن وإن شاءالله أدري إنكم ما بتردوني
أنتظركم لأني أبغي أطبع جدول الرحلات ونستفيد من السفرة بزيارة أحلى الأماكن الي ربي يقدرنا نشوفها
بانتظار ردودكم
انصحك ان تطيل السكن في يلوا .. وتحديدا في جوك شدرا
ويمكن ان تذهب منها لزيارة بورصة في الصباح والعودة المساء (50 كلم ) تقريبا
وايضا.. زيارة بحيرة ازنك.. وبعض الشلالات القريبة..
اضافة لكورنيش مدينة يلوا الجميل
وبامكانك ان تجعل زيارتك لبحيرة سبنجا من اسطنبول..
او تفعل مثل مافعلت انا وتزورها من يلوا نفسها
تمر سبنجا.. ثم ابانت..
والسكن في يلوا مريح وجميل..
وبعيد عن الزحمة
وكل شيء متيسر هناك...