صباح / مساء الخير
بفضل من الله وبفضل تقاريركم تم اختيار ( سويسرا _ اسبانيا ) لشهر العسل ان شاء الله وراح احجز هاليومين ان الله اراد بيوم 20 نوفمبر 2011 الى 6 ديسمبر 2011
اخترت سويسرا لان راح يكون شتاء وان شاء الله نستمتع بمناظر الثلوج وتساقطه .. واخترت اسبانيا لان الجو راح يكون ادفئ بكثير بعد برد سويسرا وللاستجمام
لكن ابي فزعتكم هالمره لان جوابكم اللحين هو الي راح اعتمد عليه بعد الله بحجز الفنادق والتذاكر ان شاء الله
وابي رايكم بتقسيم الايام وبالفنادق من ناحيه النظافه والموقع والاسعار وعطوني جدول مبسط لهالمدن .. ودام للحين ماحجزت ولا سويت شي .. يعني التخطيط قابل للتغيير
جنيف / يومين .. فندق East West Hotel
انترلاكن / 4 ايام .. فندق Metropole Swiss Quality Hotel
زيورخ / 3 ايام .. محتار بين فندقين .. الاول Morenpicle Hotel .. الثاني ( لي ميريدين )
ماربيا ( اسبانيا ) / 5 ايام .. فندق Melia Don Pepe Hotel
مدريد ( اسبانيا ) / يومين .. Hostal Sant Domingo
.
.
انا كتبت فنادق اسبانيا ومده اقامتي فيها .. قلت ممكن احد يفيدني فيها من واقع تجربه .. وراح استفسر عنهم ان شاء الله ف بوابه اسبانيا
عموما .. انا شايل هم رحلتي من سويسرا الى اسبانيا وان شاء الله من زيورخ الى ملقا ( اسبانيا ) لان للحين ماعرفت شلون بحجز واقص التذاكر .. لان ماعندي بطاقه فيزا .. وابي طريقه احجز واقص فيها تذاكر بدون مشاكل بالمطار او بمسار الرحله عشان اتطمن .. واقدر احجز من زيورخ الى ملقا عن طريق مكتب سياحي ويعطوني التذاكر ولالا ..؟
وياليت تفيدوني لان احس الوقت راح علي وممكن عشاني مو متواجد بالسعوديه بارتباطي بالدراسه بالخارج
ودي ..